5 здрави навики кои може да ви го продолжат животот со децении

Истражувачи од Универзитетот Харвард открија дека практикувањето на 5 едноставни здрави навики можат да ви го продолжат животот за повеќе од 1 деценија. 

Се потврдило дека доколку ги практикувате, жените може да си „додадат“ 14 години на животниот век, а мажите 12 години.

Веројатно се прашувате за кои 5 здрави навики станува збор, а одговорот е прилично јасен и едноставен: здрава исхрана, редовно вежбање, одржување на здрава телесна тежина, ограничен внес на алкохол и избегнување цигари.

Доколку си помислувате дека ова не е ништо ново и веќе сме го слушнале 100 пати досега, истражувањето од Харвард концизно ги покажува позитивните ефекти од овие здрави навики.

Потврдено е дека луѓето кои ги практикуваат истите ги намалуваат шансите за предвремена смрт поради кардиоваскуларни болести за неверојатни 82%, а се намалуваат и шансите за смрт од рак за 65%.

Ова заклучок е донесен во споредба со оние кои во изминатите 30 години помалку ги практикувале петте здрави навики.

Генерално, здравите поединци имаат 74% помали шанси за предвремена смрт, заклучува истражувањето.

Се верува дека оваа студија би можела да влијае на животниот стил кој го водат луѓето и долговечноста.

Резултатите јасно покажале дека сите оние кои не пушат цигари, имаат здрав индекс на телесна маса, физички се активни најмалку 30 минути дневно, консумираат умерени количини на алкохол (на пример, една мала чаша вино дневно) и се хранат здраво, директно влијаат врз должината на животниот век.

Па доколку сакате да живеете подолго, добро размислете околу вашите избори и животните навики.

(О)Милена | Црнобело