6 митови за храната во кои луѓето сè уште веруваат

Кога е исхраната во прашање, постојат низа „теории“ кои се и понатаму актуелни, па неретко ги земаме здраво за готово. А, тие се само полувистини, или, пак, комплетни заблуди.

Шесте митови за храната во кои сè уште веруваат луѓето се:

1. Мастиката се задржува недела дена во организмот.

Ако сте проголтале гума за џвакање, нема причина за паника, уверува докторот Роџер Лидл. Многу луѓе веруваат дека на голтната мастика ѝ се потребни седум дена, како би излегла надвор од телото.

Научниците, пак, децидни се дека тоа не е вистина.

„Нашиот дигестивен систем е исклучително силен. Кога може да свари парче месо, зошто не би можел и мастика? Штом влегла во организмот, таа и ќе излезе. Впрочем - како и сè друго. Не постои одреден временски период за дигестија на гумата за џвакање, бидејќи истиот варира од човек до човек.“

2. Ако сакате да ослабете – не јадете после 20 часот.

Постои мит и дека ќе ослабете, доколку завршите со оброците пред 8 часот навечер. Доцната вечера е навистина проблематична, ама само кога консумирате голема количина на калорични намирници.

Притоа, ако сте се прејале претходно, џабе ви е што ќе гладувате подоцна. Ова го потврдува и истражувањето објавено во Obesity Rewievs од 2012 година.

„Доколку не внимавате што јадете во остатокот од денот, или, пак, не вежбате, воздржувањето од храна после 20 часот не придонесува кон губиток на килограмите.“

3. Јајцата се штетни, бидејќи го покачуваат холестеролот.

Според поновите истражувања, нивото на холестерол во јајцата е значително пониско од што се претпоставуваше во минатото. Се разбира - не треба ни да се претерува.

Со консумација на четири јајца неделно, ниту ќе се покачи холестеролот, а ни ризикот од срцеви болести ќе се зголеми, пренесува порталот fitness.com.

4. Морковите го подобруваат видот.

Да, морковот навистина содржи витамин А, којшто е корисен за видот.

Сепак, ова не значи дека јадејќи моркови ќе добиете супермоќи, па ќе ги победите кратковидоста и далекувидоста.

5. Ако не била повеќе од пет секунди на подот, паднатата храна може да се јаде.

Многумина веруваат дека храната што паднала на подот и понатаму е безбедна за консумација, доколку ја кренат во рок од три до пет секунди.

Ова дефинитивно е заблуда. Дури и тогаш ризикувате да се заразите со разни бактерии од нечистите површини, предупредува докторката Лиза Акерли во разговорот за британски Telegraph.

6. Јаболката ги чистат забите.

Последниот мит е делумно вистинит. За јаболкото од одамна се смета дека природно ги прочистува и избелува забите.

Меѓутоа, не залажувајте се дека доволно е да каснете јаболко, за забите да ви бидат бели и чисти. Нужно е да ги измиете и со четка и паста, односно да ги исчистите и со конец.

М. A. | Црнобело