Митови за изгорениците од сонце во кои треба да престанете да верувате

Иако сите сме свесни колку е важно да се заштитиме себеси од сонцето во овие топли денови кои доаѓаат, сепак постојат многу митови.

Луѓето веруваат во многу невистини кога станува збор за сончањето и изгорениците.

Заштитата од сонцето е многу важна, независно кое годишно време е, па затоа треба да сте добро информирани на оваа тема.

Во продолжение, неколку најголеми митови за изгорениците од сонце во кои треба да престанете да верувате:

Мит бр. 1: Може да изгорите само во лето

Иако сонцето е најсилно во летните топли денови, сепак тоа е моќен извор на ултравиолетови зраци дури и во зима, а тие се многу штетни за кожата.

Мит бр.2: Сонцето е најсилно кога надвор е најтопло

Сончевите зраци се наопасни во периодот од 10 наутро до 4 по пладне, но тоа не значи дека ако надвор е малку посвежо и не пече толку, дека не е силно.

Потребна ви е адекватна заштита од сонце независно колку е топло надвор, бидејќи и утринските часови може да предизвикаат изгореница.

Мит бр.3: Изгорениците се лоши само ако се црвени или се лупат

Иако многу луѓе сакаат да поминат неколку часа во сончање за да добијат тен, всушност реалноста е дека секоја промена на бојата на кожата е оштетување од сонцето, дури и ако немате црвенило.

Црвената или розова кожа е знак дека сте изгорени, но можно е да постои изгореница од сонце долго пред да поцрвени местото.

Всушност, првиот знак е веројатно чешањето на кожата и топлото чувство.

Мит бр.4: Повремени изгореници не се лоши за вас

Иако не значи дека секоја изгореница може да значи сериозен проблем или она од што сите се плашат – рак на кожа, сепак треба да знаете дека со секоја изгореница се зголемува ризикот и дека треба постојано да ја штитите кожата секојдневно, независно дали одите на плажа или прошетка.

Мит бр.5: Ако имате фатено боја не може да изгорите

Многумина веруваат дека е подобро да имаат тен како основа, па прво се сончаат за да фатат боја или пред одмор одат во солариум за потоа да не поцрвенат.

Сепак, тоа ви нуди многу мала заштита од горење и не значи дека воопшто не треба да се мачкате со крема заштита од сонце.

Мит бр.6: Секоја крема за сончање е подобра од воопшто да не ставите крема

Важно е да се мачкате со заштитна крема, но тоа не значи дека треба да го користите кремот од пред 2 години, ако рокот му е истечен.

Дури и ако датумот не е поминат, а е многу топло и влажно каде што го чувате пакувањето, треба да го замените.

Мит бр.7: Не може да изгорите под сенка или кога е ветровито и свежо

Ако мислите дека може да не ставите крема за сончање додека не сте директно изложени на сонце, се лажете, бидејќи и така може да изгорите, со оглед на тоа што сончевите зраци не се поврзани со температурата и времето.

М. М. | Црнобело