Прва помош за изгореници од сонце: 6 трикови за ублажување на болката


Прва помош за изгореници од сонце: 6 трикови за ублажување на болката

Сигурно и вам ви се случило да изгорите уште на првиот или вториот ден од одморот. Црвенило, болка, па дури и пликови, лош старт, зарем не?

prva-pomosh-za-izgorenici-od-sonce-6-trikovi-za-ublazuvanje-na-bolkata-01.jpg

Лето, сонце, море, плажа, добар ритам и коктели, па што би можело да ви го расипе расположението? Изгорениците од сонце. Болни и непријатни, ја стареат кожата, а на долг рок може да бидат и канцерогени.

Сепак, доколку и ова лето не се водите од изреката „подобро спречи, отколку лечи“, ви даваме совети како да ги третирате.

Без разлика дали станува збор за мало црвенило на кожата или големи пликови, следете ги овие совети:

Избегнувајте тесна облека

На вашата кожа во оваа состојба ѝ е потребно да дише. Организмот се обидува да одговори на траумата така што испраќа повеќе крв во оние делови каде кожата е изгорена, па тесната облека дефинитивно е лоша опција.

Ќе ви биде непријатно, плус ќе го влошите воспалителниот процес на погодените области. Носете широка облека од природни материјали.

prva-pomosh-za-izgorenici-od-sonce-6-trikovi-za-ublazuvanje-na-bolkata-02.jpg

Лек против воспаленија

Консултирајте се со доктор и земете некоја крема што ќе го смири воспалението и ќе ви ја ублажи болката. Постојат низа вакви, особено во аптеките на туристичките места.

prva-pomosh-za-izgorenici-od-sonce-6-trikovi-za-ublazuvanje-na-bolkata-03.jpg

Не ги допирајте пликовите

Ако сте претерале со сончањето, резултатот може да биде дури и пликови на кожата. Тие всушност се заштитна бариера затоа што кожата каде што изгорела е многу слаба, па е подложна на алергии и инфекции, затоа не смеете да ги отстранувате.

Некои советуваат да практикувате третман со млеко. Ставете неколку коцки мраз и млеко во сад, потоа натопете крпа во смесата и допрете до пликовите.

Протеините од млекото ќе ѝ помогнат на кожата да се регенерира и ќе ја смират болката. Можете повеќе пати да ставате вакви облоги.

prva-pomosh-za-izgorenici-od-sonce-6-trikovi-za-ublazuvanje-na-bolkata-04.jpg

Правилно негувајте ја кожата

Не смеете да се чешате и да ја лупите кожата. Почекајте таа сама да се излупи, бидејќи тоа е природен процес.

Важно е да ја хидрирате со соодветни лосиони, богати со хранливи материи. Но, од друга страна мора да внимавате на составот, затоа што оние кои содржат петролеум, лидокаин, бензокаин, може дополнително да ви ја иритираат.

prva-pomosh-za-izgorenici-od-sonce-6-trikovi-za-ublazuvanje-na-bolkata-05.jpg

Капење со млака вода

Наполнете ја кадата со млака вода во која ќе додадете масло од лаванда, сода бикарбона или неколку капки јаболков оцет.

Тие имаат антивоспалително дејство и ќе ви ја ублажат болката.

prva-pomosh-za-izgorenici-od-sonce-6-trikovi-za-ublazuvanje-na-bolkata-06.jpg

Пијте вода

Во овој период како што ја хидрирате кожата, мора да останете хидрирани и однатре, па затоа консумирајте многу вода.

С. С. | Црнобело

Би можело да ве интересира:

Навики со кои несвесно си го уништуваме здравјето Секој од нас има свои навики, но ретки се оние кои знаат дека многу од нив може ...
Златните правила за јадење на Индра Деви, жената која живеела 103 години Евгенија Петерсон, позната во целиот свет како Индра Деви, е една од првите жени...
4 начини како да разликувате срцев удар од паничен напад Нападите на паника и срцевите напади имаат слични симптоми: тешка болка во гради...

Најчитани неделава

sonovnik-sidebar.jpg