6 лоши навики од кои на стоматолозите им се крева косата на глава

Сигурно добро знаете дека оралната хигиена е исклучително важна за човековото здравје. Но, знаете ли и како правилно да ја примените?

Ако пројдат неколку дена без да употребите конец за заби, или, пак, сакате да експериментирате со различни производи за бела насмевка, мора да ве предупредиме дека не сте на правилен пат.

Секој стоматолог ќе ве предупреди и замоли да престанете со правење на нештата, кои наместо да дејствуваат во ваша полза, само на него повеќекратно му ја зголемуваат работата. А, вас ве чинат здравје и пари.

Ова се шесте лоши навики од кои на стоматолозите им се крева косата на глава:

1. Ги избелувате забите дома.

Стоматолозите предупредуваат дека со домашното избелување ќе направите повеќе штета одошто корист.

Мошне лесно може да се случи препаратот да не продре до одредени делови на забите. Ова набрзо ќе резултира со дамки и неизедначена боја.

Воедно истакнуваат и дека разните производи за белење може неповолно да влијаат на непцата, како и да ја уништат глеѓта на вашите заби.

2. Не ги чистите забите со конец.

Кога стоматологот ќе ви каже дека секојдневно, и тоа најмалку двапати, препорачливо е да ги чистите забите со конец, тогаш ова навистина и го мисли.

Зошто? Бидејќи претставува единствениот делотворен начин за одржување на здравјето на непцата, како и за отстранување на сите остатоци од храна.

3. Пиете вода со лимон.

Иако обичната вода може некогаш да ви здосади, па посакувате да ѝ додадете вкус на лимон, стоматолозите одмавнуваат со главата за ваквата идеја.

Киселината мошне лесно предизвикува кариес, болести на непцата и оштетување на забната глеѓ. А, може да биде и причина за лош здив.

Подобро е да се воздржите и пиете вода без никакви додатоци.

4. Користите несоодветни четки за заби.

Претврдата четка, во комбинација со пресилниот притисок, неизбежно ќе доведат до уништување на глеѓта и оштетување на забното месо.

Ако целта ви е вашите заби да се што подолговечни, тогаш држете се до меките четки.

5. Гризете тврди предмети.

Грицкате ли пенкала, вештачки нокти, мраз? Сите наведени „занимации“ неповолно влијаат на денталното здравје. И да – никогаш не отварајте било што со забите. Никогаш.

6. Експериментирате со чистачи за заби.

Наместо старата добра паста, вие сте се одлучиле за прав од активен јаглен, или, пак, дури и масло кое ветува бели заби после само една употреба.

Не наседнувајте на евтините маркетинишки трикови. Заобиколете ги сите непроверени производи, бидејќи освен за здравјето на забите, тие може да бидат опасни и за вашиот организам.

М. А. | Црнобело