Пеење, доволно витамин Д и уште неколку начини за подобрување на капацитетот на белите дробови

Дишењето е сосема природен рефлекс, но често не ни забележуваме ако не успеваме да вдишеме со полн капацитет на белите дробови.

За да бидете сигурни дека дишете „со полни гради“, треба да имате редовни физички активности, да правите вежби за дишење, да бидете сигурни дека внесувате доволно витамин Д, па и малку да пеете.

Ниту една од тие активности не е тешка, а многу ќе ви помогне во правилното дишење.

Престанете со пушење цигари

Како што и очекувавте, цигарите се на прво место на оваа листа. Катранот, никотинот и чадот прават големи штети на белодробното ткиво. Со самото тоа, ве спречуваат да дишете со целосен капацитет. Според некои статистички податоци, по само 9 месеци откако ќе ги откажете цигарите, капацитетот на белите дробови се зголемува за 10%.

Правете вежби за дишење

Наједноставната, а и многу ефикасна е длабокото дишење. Вдишете воздух максимално колку што можете. Задржете 10 секунди и издишете. За правилно изведување потребно е грбот да биде исправен, независно дали стоите или седите.

Земајте доволно витамин Д

Кога надвор е сончево, телото лесно го синтетизира овој витамин. Но, кога извесен период нема сончеви денови, потребно е да го земате додатоци во исхраната со витамин Д, како и да јадете доволно риба, јајца и чисто црвено месо.

Пејте

Пејачите имаат навистина завиден капацитет на белите дробови. Не мора да сте талентиран музичар за да си помогнете на овој начин. Ако веќе пеете додека се туширате, сте завршиле одлична работа.

Активирајте се

Кога вежбате, придонесувате во вашето тело да се врши побрза размена на јаглеродниот диоксид со кислород. Благодарение на тоа, ќе имате потреба што подлабоко да вдишувате, а со тоа и да го подобрите својот белодробен капацитет.

Стојте исправено

Правилното стоење не предизвикува никаков притисок меѓу белите дробови и внатрешните органи. Затоа, внимавајте на својот став.

Подобрете го квалитетот на воздухот дома

За жал, не можете да направите ништо со загадувањето надвор, сè додека не се покрене свесноста на мнозинството. Но, додека да се случи тоа, можете да набавите прочистувач или да одгледувате собни растенија кои го прочистуваат воздухот (списокот го имаме тука). Бидете сигурни и дека редовно проветрувате кога воздухот надвор е чист.

Е. Д. | Црнобело