5 начини да се ослободите од надуеноста во стомакот

Чувството на надуеност во стомакот може да се случи секому, а најчесто се случува како по Марфиев закон, тогаш кога не треба - на состанок, при јавно обраќање или кога сте заглавени во сообраќај.

Без оглед на причината, надуеноста може да биде исклучително непријатна, па затоа одвојуваме 5 практични совети како да ја одбегнете и да се вратите во нормала.

Подгответе смути за детоксификација

Секогаш кога ќе се почувствувате надуени, прво место каде треба да појдете е кујната. Блендерот е вашиот најверен сојузник во случајов, а магичниот напиток го содржи следново: кокосова вода, кељ, блитва, магдонос, ананас, лимон, свеж ѓумбир и многу мраз.

Овој зелен напиток направете го за појадок и ручек, а за вечера подгответе зеленчукова супа. Растителните влакна од сите овие намирници ќе ги придвижат работите во вашиот дигестивен тракт и веќе следното утро ќе почувствувате големо олеснување.

Внесете анасон во исхраната

Кога се чувствувате подуени по оброкот, џвакајте половина лажичка сув печен органски анасон. Сушете го семето во тава на средна температура, нежно мешајќи додека не почувствувате богата арома.

Потоа, нека се излади и чувајте го во стаклена тегла.

Масирајте го стомакот

Легнете на рамна површина и нежно масирајте го вашиот стомак во насока на стрелките на часовникот со неколку капки масло од сусам. Маслото од сусам помага во намалување на грчевите кои произлегуваат од гасовите.

Ова, исто така, помага да го „поттурнете“ гасот и да го размрдате дебелото црево давајќи им нежен притисок во вистинската насока.

Пијте многу вода и пешачете

Ова е е универзален лек за многу состојби, па можеби е крајно време да почнете да го користите стакленото шише што ви стои како украс и да пешачите малку повеќе.

Доволната количина течност, всушност, помага да се намали задржувањето на водата во телото, а движењето по јадење помага во варењето.

Да не повторуваме дека ќе почувствувате генерално подобрување - понекогаш најлесните решенија навистина функционираат најдобро.

Препознајте ја храната што ви прави проблем

За некого тоа е лук или кромид, за друг млечни производи - препознајте ги намирниците што ве создаваат тегоби и одбегнувајте ја таа храна.

Меѓутоа, ако сметате дека сте постојано надуени (и ништо што се обидувате да направите не ви помага), закажете преглед кај вашиот лекар.

Може да има нешто во вашата исхрана на кое сте чувствителни а не сте свесни за тоа, или пак во прашање е посериозен дигестивен проблем.

А. Ш. | Црнобело