Едноставни трикови за справување со најчестите проблеми со ноктите

Навистина е лесно да ги оштетите вашите нокти, а секој од проблемите со нив може да биде непријатен.

Сепак, иако понекогаш изгледаат страшно, проблемите со ноктите се решаваат многу лесно, и тоа од удобноста на вашиот дом. Покрај тоа, во повеќето случаи ќе ви бидат потребни состојки што сигурно веќе ги имате во кујната или тоалетот.

Погледнете ги најефективните трикови и „рецепти“ за справување со најчестите проблеми со ноктите:

Сраснати нокти

Ова е можеби најдосадниот проблем со ноктите. Најчестите симптоми се црвенило, болка и чувствителност околу ноктот. Понекогаш се појавуваат и отоци и инфекција на кожата околу ноктот.

- Направете си купка со топла вода за стапалата. Ова ќе го намали отокот и болката. Киснете го стапалото околу 20 минути, а за подобри резултати можете да додадете и крупна сол.

- Во купката можете да додадете и ¼ шолја јаболков оцет. Јаболковиот оцет е антисептик, ќе го намали воспалението и ќе ја намали болката.

- Откако ќе завршите со купката, под работ на ноктот ставете малку памук или конец за заби. На овој начин ќе го поткренете ноктот над кожата.

- Чевлите и чорапите што ги носите имаат големи влијание врз стапалата и ноктите. Осигурете се дека имате доволно простор во обувките и дека чорапите не создаваат многу притисок.

Подигнати нокти

Ова се случува кога ноктот постепено се одвојува од кожата. Главно ова е бавен и безболен процес, но може да предизвика неудобност. Понекогаш се забележува и промена на бојата и формата на ноктот.

Масло од чајно дрво: Ова масло има антибактериски својства и може да ги отстрани габите кои се наоѓаат под ноктот. Сè што треба да направите е да нанесете мешавина од масло од чајно дрво и кокосово масло на ноктот.

Здебелени нокти

Здебелувањето на ноктите е почесто на стапалата и најчесто е поради габична инфекција. Во овој случај, ноктите стануваат подебели, ја менуваат бојата и се кршливи. Понекогаш инфекцијата е придружена и со непријатна миризба.

Крупна сол: Исечете ги ноктите доволно за да можете да стигнете до инфекцијата. Потоа направете купка со топла вода и крупна сол и киснете ги стапалата 2-3 пати дневно.

Бел оцет: Исечете ги ноктите и направете купка од топла вода и бел оцет – 1 шолја оцет и 2 шолји вода. Оваа купка ќе го намали растот на одредени бактерии.

Габични инфекции

Најпрвото нешто што се забележува кај габичните инфекции е бела или жолта дамка под ноктот. По некое време, инфекцијата ќе се прошири и целиот нокот ќе стане жолт.

Купка: Направете купка од 4 шолји жешка вода, ½ шолја сода бикарбона, ½ шолја крупна сол и ¼ шолја хидроген пероксид.

Масло од оригано или чајно дрво: Овие масла имаат антисептички својства. Нанесете ги директно на инфицираното место.

Лупење на нокти

Кај оваа појава, горниот слој од ноктите почнува да се лупи. Можете да забележите и дека ноктите се покршливи и помеки од вообичаени.

Хидратација: Кремите и маслата за хидратација можат да помогнат во овој случај. Нанесувајте ги директно на ноктот и кожата околу него.

Сечете ги ноктите додека се влажни: Доколку имате проблем со лупење на ноктите, немојте да ги сечите додека се суви. Со ова само ќе го влошите проблемот.

Носете ракавици додека чистите: Премногу вода, како и хемикалиите од средствата се штетни за дланките и ноктите. Па, секогаш носете ракавици.

Хематом

Доколку сте го оштетиле ноктот, можно е да се појави хематом под него. Иако ова е само згрутчена крв, дефинитивно не изгледа убаво. Покрај темната дамка, можете да забележите зголемена чувствителност на ноктот и чувство на притисок.

Мраз: Ставете мраз на ноктот со хематом. Ова ќе ги намали болката и отокот.

Одмарајте: Обидете се да не го мрдате многу прстот со хематом.

Компресија: За да го намалите дотокот на крв до оштетениот дел, завиткајте го ноктот го завој.

Држете го прстот повисоко: За дополнително да ги намалите болката и отокот, држете го прстот подигнат.

Пожолтени нокти

Ноктите можат да ја променат бојата од разни причини и можат да станат бели, жолти па дури и зелени. Ноктите ја менуваат бојата поради габични инфекции, лак за нокти и слично.

Сода бикарбона: Измешајте ½ лажица хидроген пероксид со 1 лажица сода бикарбона. Втријте ја смесата на ноктите и оставете ја 3 минути.

Бел оцет: Доколку промената на бојата е поради бактериска инфекција, направете купка од вода и бел оцет.

Лимонов сок: Лимоновиот сок е одличен за отстранување дамки од ноктите. Сè што треба да направите е да го накиснете проблематичниот нокт.

Направете пауза од лакирање: Темните лакови можат да ја променат бојата на ноктите. Доколку ова е причината, некој период паузирајте од лакирање.

Спирова С. | Црнобело