Дали е во ред да спиете со контактни леќи?

Ако носите леќи, сигурно сте биле во искушение да не ги извадите пред спиење. Можеби и многупати сте заспале со нив. 

Понекогаш сме премногу уморни и, сакале или не, заспиваме пред телевизорот без ги направиме вообичаените вечерни ритуали, како што се отстранување на шминката, четкање на забите и вадење на леќите. Но, дали е здраво да спиете со контактни леќи?

Офталмолозите ќе ви кажат дека ова е многу ризично однесување, кое може да има многу сериозни ефекти врз вашето здравје (како слепило). За да разбереме зошто е тоа така, прво мора да дознаеме што точно се случува со очите за време на спиење.

Научниците велат дека за квалитетот на нашиот вид треба да спиеме најмалку 5 часа на ден. Во овој период важно е очите да бидат барем малку изложени на кислород од околината.

Во ситуација кога носиме леќи, а очите се затворени, очигледно е дека постои одредена бариера што делумно го спречува овој процес.

Не треба да се заборави и на опасноста од инфекции. Леќите се сепак страно тело што го ставаме на нашите очи, затоа е круцијално редовно да ги миеме. Не е здраво да носите исти чорапи повеќе од 24 часа, а камоли нешто деликатно како леќи.

Денес можат да се купат леќи за продолжено носење што, наводно, не мора да ги вадите пред спиење.

Сепак, повеќето лекари ќе ви кажат дека овие леќи се наменети само за терапевтски цели (за третман на некои заболувања на очите) и дека сè уште се препорачува да ги вадите и миете секоја вечер.

Ашера | Црнобело