Грешки кои не треба да ги правите пред да одите на различни лекарски прегледи

Кога одите на преглед, очекувате лекарот да ја заврши целата работа. Но, понекогаш треба и вие самите да направите неколку подготовки.

Периодов секако сите лекарски прегледи кои не се неопходни е подобро да ги одложите за понатаму заради заштита од корона вирусот, но доколку нешто е неопходно важно е да знаете некои правила кои треба да ги почитувате, независно дали ќе важат за сега или за понатаму, кога ова ќе помине. 

Најдобро е да го прашате лекарот дали треба да земете предвид или да избегнувате нешто пред некој преглед, но можете да се подготвите и со следниве совети:

Не правете маникир/педикир пред да одите на дерматолог

Дерматолозите препознаваат и лекуваат над 3.000 разни болести. Ако одите на детален преглед, дерматологот ќе сака да ги провери и вашите нокти.

Причината е што овие делови од телото се подложни на габични инфекции, а самите нокти понекогаш покажуваат знаци за други болести.

Поради тоа, подобро прескокнете ги третманите за нокти пред посета на дерматолог.

Не пијте алкохол пред тест за холестерол

Алкохолните пијалаци содржат шеќери и јаглехидрати. Овие состојки, пак, можат да предизвикаат покачување на холестеролот во организмот. Па, ако правите тест а сте пиеле алкохол, можно е да добиете погрешни резултати.

Не одете жедни на уриноанализа

Човечката урина се состои од 99% вода, а само 1% останати состојки.

Поради ова, неколку часа пред да дадете примерок испијте повеќе вода. На овој начин ќе се осигурите дека телото ќе ослободи доволно од потребните материи за анализа.

Не употребувајте дезодоранс пред мамограм

Причинат за ова се состојките на дезодорансите и антиперспирантите, кои некогаш содржат мала количина метали.

За време на тестот, овие метали можат дадат погрешни резултати.

Не јадете црвена храна пред колоноскопија

Ако правите колоноскопија лекарот ќе ви ги даде потребните препораки, но добро би било да ја избегнувате црвената храна.

Имено, овие продукти можат да имаат влијание врз резултатите од анализата. Овде спаѓа храна како цвекло, домати, доматен сос…

Денот пред анализата, пак, препорачливо е да консумирате само течности.

Продолжува на следната страница...