Реално или претерано - Како ќе изгледа еден просечен човек после 25 години работа од дома? (фото)

Тим истражувачи од DiretlyApply направија фоторобот кој покажува како луѓето кои постојано работат од дома, може да изгледаат по 25 години.

На направениот робот му го дале името Сузан, а Сузан била создадена со помош на тим од клинички психолози и фитнес стручњаци кои го утврдиле влијанието на работата од дома.

Моделот прикажува какви промени би можеле да се случат ако 25 години секојдневно работиме од дома, пред лаптоп или компјутер, без доволно физичка активност.

Долготрајното гледање во екран доведува до крвави и воспалени очи, иритација и замаглен вид.

Лошото држење е исто така негативна последица како недостаток на физичка активност. Подгрбавеноста, пропратена со грчеви и здрвеност на вратот се само дел од предвидувањата.

Губењето на косата ќе биде предизвикано од недостаток на витамин Д.

Подочниците се влошуваат кога долго време ги напрегате очите.

Брчките и исушената кожа исто така се последица од недостаток на витамини – Д и Б12.

Сето тоа би изгледало некако вака во средните години – што мислите дали е ова реално или малку претерале?

М. Д. | Црнобело