6 грешки заради кои интимните инфекции постојано се повторуваат

Постојат неколку работи кои се најголеми непријатели на женското интимно здравје, па ако сте жена која постојано се лечи од габични инфекции, можеби треба да ги промените навиките.

фото: pexels.com

Постојаното враќање и повторување на инфекциите може да доведе до сериозни проблеми, па затоа бидете посебно претпазливи во овие 6 случаи:

1. Колку редовно и често ги менувате тампоните

Тампоните и хигиенските влошки ја задржуваат влагата, па им овозможуваат на инфекциите да се шират и размножуваат. Од клучно значење е да ги менувате на 4 часа или уште почесто, кога е топло.

2. Колку често пиете антибиотици

Доколку земате антибиотици, телото ви е подложно на инфекции. Најдобро е да пиете антибиотци само кога е навистина неопходно, препорачано од лекар, никако на своја рака и со нив да консумирате пробиотици.

3. Колкаво ви е нивото на шеќер во крвта

Габичните инфекции собираат енергија од шеќерот, па доколку не водите контрола за нивото на шеќер во крвта, можеби време е да почнете.

4. Дали имате незаштитени односи

Односот со инфициран партнер е најсигурниот начин да ви се повтори инфекцијата. Затоа, лечењето мора да се одвива во пар.

5. Колку е квалитетна долната облека која ја носите

Тесната долна облека, направена од синтетички влакна, односно нејзиното секојдневно носење, може да ја влоши состојбата со инфекциите.

6. Колку се парфимирани влошките и препаратите за нега

Иако се чини како добра идеја на прв поглед, парфимираните хигиенски производи не се препорачуваат, бидејќи влијаат на киселоста на интимниот дел.

М. Д. | Црнобело