Како да препознаете сончаница? - Први симптоми и реакции

Сончаницата, односно топлотниот удар, е сериозна здравствена состојба која настанува после подолго изложување на главата на висока температура и сонце.

Првите симптоми се главоболка, вртоглавица, немир, збунетост, црвенило на лицето и температура на телото над 38 степени.

Подоцна може да се јави и зуење во ушите, проблеми со видот и малаксаност.

Што да направите?

Тргнете се под сенка. Соблечете ги работите кои ви се вишок – чорапи, чевли, капа (доколку сте заштитени од сонце), како би го забрзале ладењето на телото.

Разладете се со умерено ладен туш или ставете мокра крпа на задниот дел од вратот, на нозете и под пазувите.

Ако постои можност, пропрскајте се со вода и разладете се со вентилатор. Никако под клима.

Забрането е разладување со алкохолни пијалаци.

Легнете и свртете се на левата страна. На тој начин циркулацијата ќе се забрза.

Пијте солена вода (1 лажичка сол на 1dl вода) но не пребрзо.

Останете мирни, без паника, дишете длабоко и синхронизирано. Нежната масажа секогаш помага, посебно на листовите од нозете.

Во зависност од јачината и траењето, обратете се на стручни лица. Ако главоболката, вртоглавицата и црвенилото траат подолго од 1 час, задолжително јавете се на брза помош.

М. Д. | Црнобело