4 знаци дека ги четкате забите многу грубо + како правилно да ги исчистите?

Ако мислите дека грубото четкање подобро го чисти забите, кога-тогаш ќе се соочите со многу проблеми со деталното здравје.

За правилно да ги исчистите забите треба да се фокусирате на тоа да ја отстраните целата храна од нивната површина и просторот меѓу нив, но грубото четкање нема да ви помогне во тоа. Многу поважен е начинот на којшто ги четкате забите, како и чистењето со конец.

Погледнете кои се знаците дека ги четкате забите многу грубо, но и како правилно да го направите тоа:

Забележувате повлекување на непцето

Грубото четкање може да го оштети нежното ткиво на непцето, па со текот на времето постои ризик тоа да почне да се повлекува. Бидејќи непцето не се регенерира како останатите ткива во организмот, за овој проблем ќе морате да одите на заболекар.

Ако сте забележале дека вашето непце почнало да се повлекува, немојте да ја одложувате посетата на заболекар, бидејќи подоцна сигурно ќе се соочите со кариес и бројни други проблеми со забите.

Иако постојат и други причини за повлекување на непцето, имајте на ум дека со грубото четкање го зголемувате ризикот од оваа појава.

Забите ви се премногу чувствителни

Грубото четкање може да го оштети емајлот на забите и ова, заедно со повлеченото непце, може да ги направи забите почувствителни.

Ако забележите дека чувствувате болка кога пиете нешто многу топло или многу студено, или чувствувате болка кога јадете потврда храна, одете на заболекар, но и почнете понежно да ги четкате забите.

Вашата четка изгледа истрошено (како на фотографијата)

Вашата четка никогаш не би требало да изгледа вака, дури и по неколку месеци користење.

Ако си ја препознавате четката на фотографијата, тоа е знак дека ги четкате забите многу грубо. Истовремено, не заборавајте дека добро би било да ја менувате четката на секои 3-4 месеци.

Долниот дел од забите е потемен

Обрнете внимание на бојата на вашите заби – дали тие се потемни на долниот дел, веднаш над непцето? Ова може да биде знак дека непцето почнало да се повлекува.

Делот од забите кој е во непцето може да има потемна боја. Па, ако непцето почнува да се повлекува, вие ќе почнете да го гледате тој темен дел.

Како што напоменавме, ако забележите какво било повлекување на непцето, веднаш одете на заболекар.

Како правило да ги четкате забите?

Купете четка со меки влакна

Можеби мислите дека четката со покрути влакна подобро ќе ви ги исчисти забите, но со ова само ќе си наштетите. Подобро купете четка со меко влакно и повеќе фокусирајте се на начинот на којшто ги четкате забите.

Немојте никогаш да ги триете лево-десно. Наместо тоа, четкајте ги горните заби од горе надолу, а долните обратно. Потоа исчеткајте ги предните заби со кружно движење.

Не заборавајте да ги исчеткате и катниците (од страните и горниот дел), како и внатрешниот дел од забите.

На крај, препорачливо е да употребите и конец за целосно да ја отстраните храната од просторот меѓу забите.

Држете ја четката со три прсти, како пенкало

На овој начин многу полесно ќе го контролирате притисокот што го нанесувате со четката и ќе можете понежно да ги исчеткате забите.

Не заборавајте дека за добро да ги исчистите забите, грубото четкање не прави ништо – многу поважно е да го поминете секој дел од забите, особено просторот меѓу нив.

Користете паста која не многу абразивна

Абразивните пасти за заби, во комбинација со грубото четкање, речиси сигурно ќе го оштети емајлот.

Затоа, обидете се да купите паста која е „понежна“ за забите. Во овој случај најдобро е да се консултирате со вашиот заболекар, но и да ги избегнувате пастите за избелување заби кои обично имаат абразивни елементи.

Спирова С. | Црнобело