Сезона на крлежи: Зошто овие паразити се опасни, што да правите при убод и како да се заштитите?

Крлежите го пренесуваат опасното вирусно заболување лајмска болест. Како да се заштитите себеси и децата од овие опасни паразити, што треба да направите доколку ви се закачил крлеж на дел од телото и зошто е неопходно да побарате лекарска помош?

Со доаѓањето на топлото време и пролетта, речиси сите имаме потреба што е можно повеќе време да поминуваме во природа, во парковите и шумите, каде вегетацијата веќе е раззеленета и бујна, но во неа демнат и голем број паразити: крлежи и болви.

Крлежите се опасни мали паразити што често може да се закачат на домашните миленици, но и на човекот, без да ги забележите.

Тие се хранат со човечката и животинската крв, и пред да се закачат се мошне мали, а по неколку денови се зголемуваат.

Тие, пред сѐ, се опасни затоа што, доколку се заразени, ја пренесуваат лајмската болест – заболување што го напаѓа нервниот систем, кожата, коските и зглобовите, а доколку не се лекува навремено може да доведе и до инвалидитет.

Прочитајте и Бела Хадид раскажува за кобната болест која ја мачи веќе 9 години

Како да се заштитите од убод на крлежи?

На веб страната на македонското Министерство за здравство во PDF формат има целосно упатство за тоа како да се заштитите од крлежи.

Според упатството, треба колку што е можно повеќе да се избегнува престој во региони и локации каде што е познато дека има крлежи, а доколку одите на вакви места носете соодветна облека.

Задолжително треба да бидат заштитени сите делови од телото – рацете, нозете, вратот и главата задолжително треба да бидат покриени.

„Краевите на панталоните вовлечете ги во чорапите, блузите и кошулите со долги ракави закопчајте ги до горе“ – се вели во упатството.

Освен ова, пред да се престојува на места каде што постои можност да има крлежи, да се напрскаат (или да се намачкаат) откриените делови на телото со репелент (спреј/ крем) за заштита од инсекти и паразити, купен од аптека, што се користи според препорачаното упатство.

По секој престој на места каде е можно да има крлежи потребно е да се направи детална проверка на вашата, но и на облеката на децата.

Посебно внимание треба да се обрне на влакнестите делови од телото, каде крлежите најчесто се закачуваат, вклучително и главата, вратот и пределот зад ушите, особено кај децата.

Крлежите исто така, често се закачуваат во превиткувањата на телото (под пазувите, кај препоните, под градите на жените, стомачните превиткувања и сл.).

Што да направите доколку ви се закачил крлеж?

Доколку забележите „закачен“ крлеж на телото најдобро е веднаш да се консултирате со лекар и да не се обидувате сами да го извадите, но доколку тоа морате да го направите сами, тогаш следете го следното упатство:

 Б. С. Б. | Црнобело