Што ќе се случи со вашето тело ако секој ден се туширате со студена вода?

Знаевте ли дека туширањето со студена вода го поттикнува слабеењето, а може да го подобри и изгледот на вашата коса?

Во топлите, летни денови, речиси и да нема нешто подобро за разладување од студен туш. Но знаевте ли дека разладувањето не е единствената придобивка?

Според досегашните истражувања, студената вода му годи на нашиот организам, па честото, речиси секојдневно туширање со студена вода носи и многу придобивки.

Дел од нив во продолжение:

Студената вода им годи на многу органи

Некои истражувања покажале дека студената вода го стимулира таканаречениот нерв луталник (познат и како вагус нерв).

Ова е еден од најдолгите нерви во нашиот организам и испраќа сигнали до мозокот, срцето, белите дробови и дигестивниот систем.

Тој е одговорен за некои моторни и сензорни функции, како чукањето на срцето, говорот, па дури и расположението.

Што значи, стимулацијата на овој нерв им годи на сите органи што се поврзани со него.

Ќе спиете подобро

Иако се потребни дополнителни истражувања, се верува дека студениот туш може да ви помогне да спиете подобро бидејќи ќе ви помогне да се релаксирате.

Само, немојте да се туширате со студена вода веднаш пред спиење, бидејќи сепак, студената вода може и да ве расони.

Што значи, туширањето со студена вода во текот на денот ќе ви помогне да заспиете побрзо навечер.

Вашата коса ќе биде поздрава

Повторно придобивка за која се потребни дополнителни истражувања, но многумина забележале дека честото туширање со студена вода ја подобрува состојбата на косата.

Постојат и некои научни истражувања според кои студената вода ја зајакнува косата.

Покрај тоа, за разлика од жешката вода, студената вода не ја суши косата и не ги отстранува мастите што ја заштитуваат.

Па, секогаш е многу подобро да ја измиете косата со студена вода, отколку со жешка.

Побрзо ќе ослабите

Во нашиот организам има вид масни клетки кои согоруваат кога генерираат топлина. Овој процес настанува кога телото е изложено на ниски температури, како при туширање со студена вода.

Ако се обидувате да ослабите, редовното туширање со студена вода може да ви помогне да ја стигнете целта побрзо.

Секако, студената вода не може да замени физичка активност и здрава исхрана, но може да биде од помош.

Спирова С. | Црнобело