Што е вагинална парна бања (и како да ја направите дома)?

Што претставува вагиналната парна бања, како се прави и, најважно, дали е безбедна?

Вагиналната парна бања е стар народен лек за кој се вели дека ги чисти вагината и матката.

Се верува дека постојат и бројни други придобивки од вагиналната парна бања, како:

• Намалување на менструалните симптоми, како што се надуеност, грчеви, исцрпеност и обилно крвавење 
• Зајакнување на плодноста
• Заздравување по породувањето 
• Намалување на стресот 
• Лекување хемороиди

Како функционира?

Процесот е прилично едноставен: седите или клекнувате над сад со врела вода во која има ставено билки.

Билките, кои често се користат сами или во комбинација, вклучуваат: камилица, невен, босилек, оригано.

Како да ја направите дома?

Во тенџере/сад со средна големина, истурете 8 чаши вода (по можност прочистена). Ставете една шака свежи билки или 1/4 чаша исушени.

Не додавајте и не користете етерични масла бидејќи тие се премногу силни и можат да го иритираат чувствително вагинално ткиво. 

Оставете ја водата да зоврие 5 минути.  Изгасете го огнот, ставете го капакот и варете уште 5 минути. 

Многу е важно да ја тестирате температурата на пареата пред да ја користите.

Ако е премногу топло, почекајте 15 секунди и повторно тестирајте додека не се почувствувате удобно топло.

Истурете 4 чаши вода во истиот сад. 

Повторно проверете дали водата е многу жешка. Ако не е, извадете ја долната облека и седнете или клекнете над садот.

Завиткајте голем чаршаф околу половината до подот, осигурувајќи се дека не излегува пареата.

Останете над пареата 20-тина минути, или додека да се излади водата.

Дали е безбедно?

Пареата може да ги изгори чувствителните вагинални ткива ако е премногу топла, па затоа треба да внимавате.

Додавањето дополнителна влажна топлина во вагината може да го зголеми ризикот кај жената од габични инфекции.

Важно е и да знаете дека не се направени многу истражувања во врска со овој метод, па затоа е препорачливо да се консултирате со експерт пред да пробате што било. 

M. Г. | Црнобело / фото: pixabay.com