5-те најчести алергии што се појавуваат кај луѓето

Покрај алергијата на полен, доста честа појава е и алергијата на кикритики - кои други алергии се некои од најчестите?

koi-se-najchestite-alergii-shto-gi-imaat-lugjeto-01.jpg

Најголемиот дел од алергиските болести се јавуваат во детството, со астма, егзема и алергија на храна. Се претпоставува дека околу 40% од населението ќе доживее алергиска реакција барем еднаш во животот.

Но, кои се најчестите алергии што ги имаат луѓето?

Алергија на полен

Поленот е еден од најчестите предизвикувачи на сезонски алергии.

Поленот се пренесува во воздухот и може да патува значителни растојанија преку движењето на воздушните маси. Алергијата на полен е позната како „поленска треска“.

Многу луѓе велат дека спрејовите за нос со солена вода, прочистувачите на воздух и акупунктурата им помогнале да се справат со оваа алергија.

Секако, пред да пробате што било, разговарајте со лекар.

koi-se-najchestite-alergii-shto-gi-imaat-lugjeto-02.png

Алергија на млеко

Кравјото млеко е најчестиот алерген на храна, особено кај малите деца. Околу 7% од бебињата имаат алергија на кравјо млеко, но поголемот дел од нив ја надминуваат како што растат.

Aлергијата на млеко е имунолошки одговор на млечните протеини и се разликува од нетолеранцијата на лактоза, во која на телото му недостасува ензим потребен за варење на млечните шеќери.

Наместо кравјо млеко, можете да пробате млеко од соја, бадем, кокос, па можеби и ќе го откриете вашиот нов омилен вкус.

koi-se-najchestite-alergii-shto-gi-imaat-lugjeto-03.png

Алергија на кикиритки

Алергијата на кикиритки често е многу тешка, со повисоки стапки на анафилактички реакции и обично трае цел живот.

Многу е веројатно дека луѓето кои ја имаат оваа алергија, се алергични и на јаткасти плодови, иако кикиритките припаѓаат на семејството на мешунките.

Побарајте итен третман ако имате тешка реакција на кикиритки и секогаш внимателно читајте ги етикетите на храната што ја купувате.

koi-se-najchestite-alergii-shto-gi-imaat-lugjeto-04.png

Алергија на морска храна

Овој тип алергија се развива во подоцните години. Во повеќето случаи, оваа алергија не е лесна, но се надминува со пропишаниот третман.

Треба да бидете внимателни ако имате алергија на морска храна, бидејќи таа може да биде дел од многу продукти. 

Покрај намирниците во кои е јасно дека има морска храна, таа може да биде и дел од разни суплементи. Дури и капсулите за некои лекови се прават од желатин од риба.

Луѓето кои страдаат од таква алергија може да се чувствуваат лошо дури и ако во воздухот има честички од топли или зовриени јадења со состојки од морска храна.

Најдобар начин да се идентификува точниот алерген е консултација со лекар кој ќе ви каже и како да се заштитите. 

koi-se-najchestite-alergii-shto-gi-imaat-lugjeto-05.png

Алергија на никел

Ако имате проблем со увото по носење обетки, осип на вратот од ланчето или осип на раката од вашата белегзија, веројатно сте алергични на никел.

Ова е една од најчестите кожни алергии бидејќи никелот се користи за правење многу работи, вклучувајќи накит, мобилни телефони, монети, патенти, рамки за очила и клучеви.

Симптомите се чешање, црвенило и отекување на кожата што се јавува околу местото на контакт помеѓу кожата и никелот.

Ако имате некои од овие симптоми, едноставно пробајте помалку да ги користите тие предмети што ви ја предизвикуваат оваа несакана реакција и секогаш пред да купите накит, прашајте од каков материјал е направен.

M. Г. | Црнобело

Би можело да ве интересира:

Како да се справите со вошките и што треба да знаете пред да почнете да го чистите детето? На гнидите им требаат од 5 до 10 дена за да се развијат во мали вошки, на кои па...
Кои се најчестите симптоми на алергија на храна и кога можат да бидат опасни по живот? Алергијата на храна кај повеќето луѓе предизвикува благи симптоми, како чувство ...
Анемија кај децата: Како да ја препознаете и на што да внимавате? Анемијата не е нешто невообичаено, особено кај децата. Но, важно е да обрнете по...
Зошто понекогаш окото ни „игра“ и дали е знак за сериозен проблем? Играњето на окото е појава со која сме се соочиле скоро сите. Во повеќето случаи...
Констипација кај деца – совети и трикови како во домашни услови да им помогнете Погрижете се вашето дете да пие доволно количина вода во текот на дено...
Атопичен дерматит кај бебиња - зошто се јавува и како се лекува? Бебето е нервозно, плачливо, постојано се чеша и не спие навечер. Атопичниот дер...

Најчитани неделава

sonovnik-sidebar.jpg