Марија Старделова (37) е холистички нутриционист - споделува топ 5 совети за бременоста и работи кои ги променила во исхраната
Претпоставувам дека повеќето жени и девојки знаат, но фолната киселина е многу важна за време на бременоста, бидејќи помага во формирањето на невралната туба.
Фолната киселина исто така, може да помогне да се спречат дефекти на мозокот (аненцефалија) и 'рбетот (спина бифида). Поради ова, фолната киселина е особено важен суплемент пред, за време и по бременоста.
Меѓутоа, за секој суплемент препорачувам консултација и препорака од лекар. Исто така, добро е да се зголеми и внесот на храна богата со фолат како на пример: спанаќ, портокали, грав, леќа, кикирики итн.
Меѓу витамините и минералите што се многу важни за време на бременоста е железото. Веќе знаеме дека телото го користи железото за производство на црвени крвни зрнца.
Поради тоа што вашето тело произведува повеќе крв кога сте бремени, потребно е да внесувате и поголема количина на железо.
Благодарение на мојата исхрана јас имам супер нивоа на железо, а од намирници што најмногу ги консумирам за железо се: овес, спанаќ, грав, јатки, суво овошје (кајсии, смокви, урми, суво грозје), тофу итн.
Калциумот е исто така многу важен за време на бременоста, бидејќи е задолжен за развојот, оформувањето и зајакнувањето на коските и забите на плодот, а исто така го поттикнува развојот на мускулите, срцето и нервите.
Сем суплемент, намирници што ги јадам богати со калциум се: брокула, тофу, темпе, леќа, грав (бел, црвен, црн, фава, пинто), грашок, наут, бадеми и бразилски ореви, чиа семе, таан итн.
Протеините како и за секој ден, така се особено важни и за време на бременоста. Протеините се клучни за обезбедување правилен раст на ткивата и органите на бебето, вклучувајќи го и мозокот.
Помагаат при растот на ткивото на градите и матката за време на бременоста и играат улога во зголеменото снабдување со крв, овозможувајќи повеќе крв да се испрати до плодот.
Извори на протеин што јас ги консумирам се: тофу, темпе, едамаме, сејтан, растителен протеин во прав (го додавам во овесна каша, смути, десерти и сл.), леќа, грав, наут, грашок итн.
Холинот е исто така многу важен за време на бременоста, бидејќи му помага на мозокот и 'рбетниот мозок на плодот да се развиваат правилно, и може да го заштити бебето од дефекти на невралната туба.
Намирници што јас ги консумирам, а се богати со холин се: тофу, печена соја, цитрусни овошја (особено црвен цитрон), брокула, карфиол, киноа, кикирики, путер од кикирики, млеко од соја, компири, црвен грав, наут, леќа, прокељ итн.
Последно и најважно за време на бременоста е физичката активност. Иако додека сте бремени сите околу вас ќе ви велат дека не треба да кревате тешко и дека не треба да извршувате најразлични работи како претходно, тоа во реалност и не е во целост така.
Доколку пред да забремените сте вежбале со тежини, треба и да продолжите (контролирано) да го правите тоа - сем ако немате друга препорака од вашиот лекар.
Јас лично пред да забременам многу вежбав, па откако забременив продолжив со помал интензитет. Го исклучив боксот и скокањето на јаже, но продолжив со тежини од 5 килограми сè до моментот кога не добив препорака за одмор од мојот гинеколог.
Сега вежбам со многу помал интензитет и вежби исклучиво за трудници во трето тромесечје. Исто така, пешачам многу, благодарение на прошетките со Нора.
На мојата веб страна ќе најдете многу оброци, но јас ќе ги издвојам овие:
©CRNOBELO.com Забрането преземање и копирање. Крадењето на авторски текстови е казниво со закон.
М. М. | Црнобело
Би можело да ве интересира:
Препорачуваме
Најчитани неделава
