Витамини и суплементи кои не треба да ги земате во исто време (и зошто)

Магнезиумот може да ја намали или целосно да ја спречи апсорпцијата на железото и цинкот, па не е препорачливо да ги пиете во исто време.

Ако земате суплементи, веројатно имате навика да ги пиете сите одеднаш.

Но, во некои случаи ова не е препорачливо поради реакцијата што настанува помеѓу одредени суплементи.

Иако веројатно нема да почувствувате сериозни несакани ефекти, можете да ја намалите апсорпцијата, а со тоа и ефикасноста на суплементите ако ги мешате неправилно.

Кои витамини и суплементи не треба да ги земате во исто време?

Магнезиум и калциум/мултивитамини

Магнезиумот помага во намалувањето на стресот и го поттикнува релаксирањето на мускулите.

Сепак, не е препорачливо да го пиете во исто време со мултивитамини.

Според докторката Ерин Стоукс, магнезиумот може да ја спречи апсорпцијата на минералите од мултивитамините, како железо и цинк.

Истото ќе се случи и ако го испиете со калциум.

Препорачливо е да почекате барем два часа откако ќе го испиете магнезиумот пред да испиете калциум или мултивитамин.

Витамини Д, Е и К

Според докторката Крис Ери, можете да ја намалите апсорпцијата на витаминот К ако го земате во исто време со витамини Е и Д.

Ако ги испиете заедно, нема да почувствувате несакани ефекти, туку само ќе ја намалите ефикасноста на витамините.

И во овој случај препорачливо е да ги пиете на интервал од барем два часа.

Рибино масло и гинко билоба

Рибиното масло и суплементите што го содржат имаат омега 3 масни киселини кои делуваат против воспаленија.

Но, ако ги земате со суплементи како гинко билоба, можете да го намалите згрутчувањето на крвта. Ова значи дека ако се повредите, можно е да искрвавите повеќе.

Повторно, пијте ги овие суплементи на интервал од најмалку два часа.

Продолжува на следната страница...