Брз трик за новогодишна декорација, од Македонката која секоја година има еден од најубаво украсените домови

„Едноставно, но убаво“ – напиша Бети Алексовска до видеото во кое покажува како да направите елегантна декорација за маса за новогодишните празници.

Бети Алексовска е Македонка која живее во Швајцарија, а позната е по тоа што речиси за секој празник ужива да изработува уникатни декорации и да го разубавува својот дом.

Пред новогодишните празници, Бети на својот Инстаграм профил сподели повеќе фотографии од нејзиниот дом, а во кратко видео покажа како да изработите брза декорација за на маса со свеќа и гранчиња од зимзелени дрвја.

Како што може да се види, за оваа декорација ви се потребни: украсна чинија, една голема свеќа, неколку гранчиња од зимзелени дрвја, шишарки во различни форми обоени со бела боја, лампиони и украс во форма на ирвас.

„Додајте елегантен допир во вашиот дом со мојата декорација што можете да ја изработите сами. Едноставно, но убаво“ – напиша таа до видеото.

Погледнете го видеото во продолжение:

Прочитајте и На гости кај Бети: Новогодишно украсена куќа од 240m2 на Македонка во Швајцарија (фото)

Б. С. Б. | Црнобело