Како најлесно да ги средите фиоките со облека (и да се ослободите од хаосот)?

Ако наутро најпрво вежбате, можеби хеланките и спортските градници треба да ви бидат во иста фиока и да ви бидат на дофат.

Она што се крие во фиоките на нашите комоди понекогаш може да се претвори во вистински хаос. Овде може да се акумулираат работи кои не се соодветни и насекаде да стане неред.

Но, со малку грижа и одржување, може да бидат прегледни и чисти. За да ви помогнеме да ги организирате подобро вашите фиоки, ви споделуваме неколку идеи и совети.

Како до подобро организирање на фиоките со облека?

Поставете си цел

Пред да ги исчистите фиоките, одвојте малку време и размислете која е крајната цел. Дали сакате да се ослободите од облеката што не ја носите, дали само сакате да ги преуредите...

Испразнете ги целосно

За да го намалите нередот, испразнете ги фиоките целосно и размислете за она што го поседувате.

Колку често ја носите таа облека? Одлучете што можете да задржите, што да донирате или да фрлите.

Направете си соодветни „категории“

Размислете за тоа која е вашата дневна рутина. Ако наутро најпрво вежбате, можеби спортските панталони и спортските градници треба да ви бидат во иста фиока и да ви бидат на дофат.

Користете прегради во фиоките

Кога ги средувате фиоките, добро е да користите и соодветни прегради. На тој начин може лесно да ја сортирате облеката според нејзината употреба, а и кога ќе се брзате, лесно ќе ја најдете.

Не ги преполнувајте фиоките

Фиоките не се куфер па целосно да бидат наполнети до врвот.

Ако фиоките се преполни, тогаш за брзо време може повторно да се претворат во хаос.

Облеката во фиоките враќајте ја здиплена

Кога се брзате, многу често може облеката да ја вратите во фиока целосно стуткана. Но, одолејте на тоа и вложете дополнителни 10-15 секунди за да го здиплите парчето облека.

Oва ќе ви ја одржува фиоката средена подолго време.

Средувајте една по една фиока

Справувањето со сите фиоки одеднаш може да ви звучи застрашувачко. Па, започнете со една по една фиока, така ќе бидете помотивирани.

М. Ѓ. | Црнобело