Предмети во бањата што треба да ги заменувате со нови почесто отколку што мислите

Подлогите на подот

Најпрво, важно е редовно да ги чистите подлогите на подот поради влагата во бањата.

Колку ќе ви траат, зависи од материјалот – оние гумените се чистат полесно, поиздржливи се, па можат да ви траат подолго.

Заменете ги со нови кога ќе забележите дека се многу оштетени, веќе не впиваат или на нив има дамки кои изгледаат како мувла.

Четки за коса

Ако редовно ја чистите четката за коса, може да ви служи со години.

Но, штом ќе почнат да ѝ паѓаат запците, заменете ја со нова бидејќи ќе ви ја оштети косата. Заменете ја со нова и ако мекиот дел на кој се запците е искинат.

Четка за тоалетна школка

Важно е да ја дезинфицирате четката барем еднаш неделно. Зaменете ја со нова ако веќе делува многу истрошено или ако има знаци на мувла.

Препорачливо е да ја замените со нова и ако некој од семејството бил болен со стомачен вирус кој може да се пренесе преку измет.

Бричови

За бричот да ви трае подолго, темелно чистете го и оставете го целосно да се исуши по секоја употреба.

Кoга ќе забележите дека на сечилата има ’рѓа, или има знаци на мувла, заменете го со нов.

Спирова С. | Црнобело