Предмети во домот што е во ред да ги чистите еднаш (или двапати) годишно

Завеси

Ова зависи од просторијата во којашто се наоѓаат завесите.

Ако се во кујна, тогаш веројатно ќе треба да ги перете почесто од еднаш годишно поради миризбата од храна.

Истото важи и ако во домот пушите цигари – чадот може да ги извалка и да остави непријатен мирис, па ќе треба да ги перете почесто.

Но, штом завесите не се изложени на мириси, доволно е само повремено да ги тресете од прашина и да ги перете еднаш-двапати годишно.

Тапациран мебел

Ако имате тапациран мебел препорачливо е да ја собирате прашината од него еднаш неделно – можете и со правосмукалка.

Уште подобро решение е ако купите прекривачи кои лесно се перат.

Еднаш годишно, пак, викнете служба за професионално чистење тапациран мебел.

Гарнитурата на терасата и во дворот

Кога времето ќе почне да се стоплува, важно е темелно да ја исчистите гарнитурата во дворот или на терасата.

Но, потоа можете да ја поминете целата сезона само со лесно одржување, како бришење на масата.

Теписи

Метењето со правосмукалка е нешто што, за жал, не можете да го прескокнете.

Но, што се однесува до перењето на теписите, сосема доволно е да ги носите еднаш годишно.

Спирова С. | Црнобело