Зошто не треба да ги чувате јајцата во вратата од фрижидерот?

Постојаните промени на температурата можат да доведат до расипување на јајцата.

Речиси сите кога го отвораме фрижидерот прво што ни паѓа во очи се јајцата складирани на вратата. Во голем дел од фрижидерите, дури постои и специјално место направено за тоа.

Чувањето на јајцата во фрижидерот ги одржува подолго време свежи отколку чувањето на собна температура, но дали сте знаеле дека чувањето на јајцата во вратата од фрижидерот е погрешно според експертите?

Како причина за ова се наведува дека јајцата складирани на овој начин постојано се изложени на ненадејна промена на температурата, при секое отворање и затворање на вратата од фрижидерот повеќе пати во текот на денот. Тоа прави да се расипуваат побрзо отколку кога се чувани на константна температура.

Сара Бенвел од познатиот кулинарски сајт „Good Housekeeping“ вели дека најдобро е јајцата да ги чувате во кутија на средната полица во фрижидерот, затоа што таму температурата е најконстантна, дури и кога фрижидерот се отвора и затвора повеќе пати.

Исто така, чувајте ги настрана од сурово месо за да избегнете контаминација.

Експертите препорачуваат јајцата да ги извадите од фрижидерот 30 минути пред готвењето и да ги чувате на соба температура, за нивната корупка да не пукне при ненадејна промена на температура.

С. С. | Црнобело