Проверени трикови - Како да го средите цел дом за 15 минути, без напорно чистење на хаосот?

Чистењето и средувањето по дома ретко на кого му се уживање, па затоа побаравме методи кои даваат долгорочен и проверен резултат.

provereni-trikovi-kako-da-go-sredite-cel-dom-za-15-minuti-001.jpg

Важно е точно да ги одредите приоритетите, за да успеете за 15 минути да си го средите целиот дом, секако, во услови на редовно одржување, а не кога се прави „генералка“.

Колку почесто го применувате ова правило, толку поретко ќе имате потреба да поминете цел ден во напорно чистење на хаосот.

Дефинирајте што за вас значи чисто.

Поточно, што ви претставува стрес. Дали тоа се отпечатоците на стаклото, трошките или трагите од чевли на подот?

Поминете по 5 минути во различна соба

Држете се до правилото 5-5-5. Одберете 3 соби во кои најмногу поминувате време и поради тоа најбрзо се валкаат.

Клучот е во нив да се задржите на брзо и лесно чистење.

5 минути – Дневна соба

Дневната соба е најлесната просторија за чистење. Избришете ги прашливите масички и телевизорот.

Здиплете ги сите ќебиња и распоредете ги перничките како што би требало да стојат. Пребришете го подот со џогер.

Тргнете ги сите книги, играчки, папучи и слично.

Овој систем може да го примените и во спалната соба. Во неа, секогаш започнете од средување на креветот.

5 минути – Кујна

Постојат два трика како да ја одржите кујната во ред – празен мијалник и празна работна површина без чинии и чаши.

Ставете ги сите садови во машина. Трудете се да не оставате разни садови на работните површини.

5 минути – Тоалет

Нанесете средства за чистење и против бигор во тоалетната школка и на мијалникот. Додека делуваат, исчистете го огледалото.

Валканата облека ставете ја во машина или во корпата за облека.

Исчистете ги местата на кои ги нанесовте средствата и само пребришете го подот.

М. Д. | Црнобело

Би можело да ве интересира:

Намирници од кујната кои ги чистат загорените тенџериња и тави подобро од сјајот за садови Доколку сте од оние луѓе на кои садовите за готвење честопати им загоруваат на д...
Садови кои не е паметно да ги перете во машина, инаку ќе се збогувате со нив Многу модерни домаќинки ќе се согласат дека машината за перење е најдоброто нешт...
Едноставни трикови со кои ќе им го продолжите животот на кујнските садови и приборот Исчистете ги загорените тави со мешавина од оцет и сода бикарбона, а за да го от...

Најчитани неделава

sonovnik-sidebar.jpg