4 начини визуелно да ги одвоите кујната и дневната

Кујнскиот полуостров не само што ќе ви помогне визуелно да ги одвоите дневната и кујната, туку е и практичен. Уште 3 стилски начини на кои може да го направите тоа. 

Во многу домови, кујната и дневната, а со тоа и трпезаријата, се всушност во истата просторија.

Иако во овој распоред нема ништо лошо, доколку сакате да изгледаат како посебни катчиња, нема потреба да преградувате со ѕидови.

Всушност, постојат трикови со кои визуелно ќе ги одвоите кујната и дневната.

Четири идеи во продолжение:

Кујнски полуостров

Кујнскиот полуостров се разликува од класичниот кујнски остров бидејќи на едниот крај е споен со ѕидот.

И, е одличен избор за визуелно одвојување на кујната и дневната бидејќи има и практична намена.

Доколку немате простор за полуостров, секогаш можете да постигнете ист ефект и со шанк со помали димензии.

Мебел со контрастна боја

Ако кујната има понеутрална боја, можете да ја одвоите ако во дневната ставите мебел со контрастна боја.

А, и не мора да го менувате целиот мебел.

Доволно е да ставите фотелја или што било со контрастна боја на „границата“ помеѓу кујната и дневната.

Продолжува на следната страница...