6 трикови за мала трпезарија – како да ја направите визуелно поголема?

Користете светли бои и фокусирајте се на минимализам кој може да создаде илузија на пространост.

Освен ако не живеете во куќа, голема е веројатноста дека трпезаријата ви зафаќа мал дел од домот, веројатно во склоп на кујната и/или дневната.

Но, само затоа што немате многу простор за трпезарија, не значи дека не можете да експериментирате и да создадете илузија на пространост.

Неколку трикови со кои трпезарискиот простор ќе изгледа малку поголем:

Користете светли бои

Светлите бои создаваат илузија на пространост, па масата за јадење, столчињата и декорациите нека бидат во посветла нијанса.

Мултифункционален мебел

Ако сте многу ограничени со простор, можете да ставите столчиња кои целосно се ставаат под масата.

Или, можете да ставите столчиња кои имаат простор за складирање, или столчиња кои се склопуваат...

Со ваквиот мебел ќе заштедите на простор, а при рака ќе имате сè што ви треба.

Не го занемарувајте осветлувањето

Светлото прави огромна разлика во просторот.

Врз трпезариската маса ставете лустер (може и ѕидна ламба) за просторот да биде добро осветлен.

Исто така, особено важно е и природното осветлување, па ако можете ставете ја трпезаријата во близина на прозорец.

Искористете го вертикалниот простор

Ставете повисока маса со повисоки столчиња и просторијата веднаш ќе изгледа поширока.

Ставете огледало

На ѕид кој е во близина на трпезаријата, ставете огледало кое визуелно ќе го зголеми просторот.

Фокусирајте се на минимализам

Дури и да не сте најголем фан на минимализмот, кога сте ограничени со простор, ова ви е најдоброто решение.

Немојте да ја трупате трпезаријата со украси и што било, туку ставете ги неопходните работи за просторот да изгледа пошироко.

Спирова С. | Црнобело