7 креативни идеи да ги декорирате празните ѕидови во домот (а да не е само со уметнички слики)

Шарени тапети, пастелни бои на ѕидот, „зелена градина“ наместо уметничка слика... Како да им дадете повесел лик на празните ѕидови?

Во многу домови кај нас и денес ќе видите празни (бели) ѕидови и тоа понекогаш создава чувство на стерилност и празнина.

За среќа, со малку фантазија можете да направите празните ѕидови да изгледаат сосема поинаку и да му дадат топлина на просторот.

Па ако не знаете од каде да почнете, погледете ги овие 7 креативни идеи:

Пастелна боја на ѕидот + многу слики и ѕидни украси

Наместо да го оставите ѕидот во бела боја, можете да го обоите во пастелна нијанса (или да залепите еднобојни тапети во пастелна боја), а потоа да закачите барем десетина фотографии и украси, кои ќе го „оживеат“.

Празничните светилки не се само за Нова година

Поради огромниот избор на светилки за елки и новогодишни светилки во различни бои и форми, лесно можете да најдете светилки кои се дискретни, а сепак впечатливи и да ги закачите зад телевизорот.

Табла од плута

Многумина имаат мали табли од плута во својот дом, обично во детската или во работната соба.

Но, зошто, наместо неа, не ставите табла од плута која ќе оди од подот до таванот, а потоа да ја украсите со работи што сакате да ги „изложите“, а немате соодветно место во домот?

„Слика“ на ѕидот

Ако имате бели ѕидови, не значи дека мора да ги обоите во друга боја од крај до крај - можете да направите слика, т.е визуелно да создадете позадина за полици и украси (како на фотографијата подолу) и да го „развеселите“ просторот.

„Зелена градина“ на ѕид

Наместо класична уметничка слика, ѕидот можете да го украсите со „зелена градина“ направена од вештачко цвеќе - се закачува на ѕидот како слика и му дава свежина на просторот.

Шарени тапети

Без оглед во која боја ви е станот, еден ѕид може да биде украсен со шарени тапети во истата таа боја - веднаш ќе добиете друг впечаток за просторот.

Постери

Без оглед дали се слики од цвеќиња, животни, или ќе си испринтате фотки од омилените славни личности како на времето, еден ѕид можете да го украсите со постери и да го направите шарен и впечатлив.

А. Ј. | Црнобело