5 грешки во уредувањето на домот (кои прават да изгледа евтино)

Ако штедите на лустерите или ако тие се убави, но не даваат убаво осветлување, тогаш и најубавиот простор може да изгледа непривлечно и студено.

Моли Вудворд-Мур од Велика Британија е дизјанер на ентериер. Таа за магазинот The Sun открива кои се најчестите грешки кои луѓето ги прават при уредувањето и со тоа му даваат евтин изглед на домот.

Топ 5 грешки:

Пренагласени рамки

Овој тип на рамки на ѕидовите некогаш креира баланс и хармонија, но кога е пренагласено прави чувство на пренатрупаност во просторот.

Истото се случува и кога ќе се претера со завеси од кадифе, мебел со огледала и превпечатливи украси. Наместо луксуз, просторот почнува да личи на кич.

Лошо избрани лустери

Ако штедите на лустерите или ако тие се убави, но не даваат убаво осветлување, тогаш и најубавиот простор може да изгледа непривлечно и студено.

Важно е да имате повеќе извори на светлина, кои ќе ги користите во различни пригоди за да креирате различен тип на атмосфера.

Исто така, треба да внимавате на деталите, на пример до столицата за читање да имате ламба која ќе му дава топлина на овој дел од дневната соба.

Вештачки растенија

Тие изгледаат пластично и просторот го прават безживотен.

Навистина не бараат одржување, како наводнување и светлина, но собираат прашина и нечистотии, па треба да ги чистите редовно.

Генерички декорации

Наместо веќе видени фрази, напишете нешто свое. Навистина се безлични фразите кои ги гледаме во секој втор дом.

Погрешни димензии на мебел

Ако погрешите со димензиите на мебелот, може да направите просторот да изгледа небаланасирано.

Ако мебелот е преголем може да излгледа пренатрупано, ако е премал да изгледа празно.

С. С. | Црнобело