„5 работи кои не би ги ставил во мојата дневна соба“ со архитектот Лука Радовиќ

„Никогаш не би ставил дома неудобно парче мебел - без разлика дали е дизајнерско парче или купенo од локални произведувачи, при уредувањето не заборавајте дека удобноста е на прво место“, вели архитектот Лука Радовиќ од Скопје.

Лука Радовиќ од Скопје е архитект и oсновач на архитектонското студио и студио за дизајн на ентериер „1010 architects“.

Тој вели дека уредувањето на еден дом е процес полн со љубов, креативност и внимание и на најситните детали. Нагласува дека понекогаш малите работи имаат најголемо влијание на големата слика, односно на крајниот резултат.

Токму затоа вели дека треба да внимаваме да не правиме одредени грешки во уредувањето на ентериерот, особено кога станува збор за дневната соба.

Сепак, бидејќи на крајот од денот сè е личен вкус и избор, тој открива кои работи не би ги ставил лично во дневната соба во својот дом.

Работи кои прават дневната соба да не изгледа убаво, според Лука Радовиќ:

Лошо осветлување (односно осветлување кое што создава лош амбиент).

Графики и принтови, симнати од интернет, со лоша тематика или дури и без тематика.

Неудобно парче мебел - без разлика дали е дизајнерско парче мебел или мебел купен од локални произведувачи не заборавајте дека удобноста е најважна.

Премногу детали и декорации, кои визуелно го отежнуваат просторот и тој не зрачи со едноставност и смирен амбиент.

Работи од типот на лаптоп, детски играчки или парчиња облека и разни други ситници, на кои што им е местото во други простории, а од нашите лоши навики ги оставаме во нашата дневна соба и си го рушиме мирот.

С. С. | Црнобело / фото: depositphotos.com