10 трикови како да го организирате хаосот во кујната, ако сте зависници од подредено „под конец“

Ако не сакате хаос, мразите кога сите работи се расфрлани во една фиока, немате место за убаво наредени чаши како што посакувате и ви недостасува простор во кујната - овие совети се за вас. 

 

Колку и да мислиме дека не ни треба голема кујна, со текот на живеењето, работите се таложат и полека снемуваме место за да ги чуваме онака како што сакаме - средено и организирано. 

Но, дури и кога имате помала кујна, можете да се потрудите да направите добра организација на просторот и никогаш да не ви изгледа хаотично. 

Неколку совети за сортирање, организација и складирање: 

Искористете го просторот под горните елементи за додатоци на кои може да се постават чаши за вино 

Чувајте ги зачините во теглички во фиока, со натпис на нив за прегледност, наместо во куп кесички 

Поставете магнетна лента или друг додадок за со закачалки, за закачување ножеви, тави или големи лажици на ѕид

Купете организер кој најмногу одговара на големината на вашата фиока за максимално да го искористите просторот и ништо да не е надвор од своето место

Чувајте ги тавите, капаците и послужавниците вертикално со прегради за да не правите хаос ако се поставени едно врз друго на куп

Инвестирајте во проѕирни садови за складирање различни типови намирници, наместо сите да се во кесички, непрегледни и да се истураат

Свежите намирници ставајте ги во корпи наместо хаотично во пазарски ќеси – независно дали треба да се надвор или во фрижидер

Поставете организери во фиоките и за дрангулии кои ги чувате во кујна – како ластичиња, цевки, ќесички, фолии и други додатоци кои вообичаено се затрупани едно со друго 

Детергентите и производите за чистење, како и додатоците за машина, исто така чувајте ги сортирани во кутии под лавабото

Организирајте го фрижидерот по полици – на една млечни производи, на друга тегли и конзерви со храна, а наместо во хартии, чувајте ги намирниците во соодветни кутии

M. M. | Црнобело