Фенг шуи правила за спокој во спалната соба

Древната кинеска вештина на уредување станува неверојатно популарна во светот, а нејзината тајна е во тоа што се труди да ја обезбеди максималната позитивна енергија во просторот во кој живеете.

Ако во последно време чувствувате несоници и негативни соништа, вреди да внесете спокој преку едноставните фенг шуи правила.

1. Не чувајте повеќе од 2 книги во спалната соба - тие ја стимулираат работата на мозокот, наместо да го одморат.

2. Обидете се да ги избегнете јанг боите, како што се златната и црвената. Тие ја стимулираат енергијата која е лоша за вашиот сон.

3. Отстранете ги сите електронски уреди од собата. Електромагнетната енергија е повеќе од штетна за вашето здравје и одмор.

4. Просторот над или во близина на гаражата никогаш не треба да биде предвиден за спална соба.

5. Одржувајте ја собата уредна, без да претерувате со мебелот или сувенирите. На тој начин животната енергија чи ќе може непрестанато да минува низ неа.

6. Избегнувајте го поставувањето на украси со вода во спалната соба, затоа што по фенг шуи сите фонтани и аквариуми се сметаат за несреќа, па дури и за губење на богатството и благосостојбата.

7. Креветот не го ставајте до ѕидот кој ја дели спалната соба од бањата.

8. Бирајте еднобојна постелнина. Ако постелнината мора да има шари, избегнете ги геометриските принтови кои ја поттикнуваат негативната енергија и му пречат на вашиот одмор.