Фенг шуи: 5 места во домот на кои не смеете да чувате вода

Водата, по верувањата во Фенг шуи може да донесе бесконечна среќа и благосостојба, но сепак мора да се придржите до неколку основни правила.

За да ја активирате водената енергија, потребно ви е нешто што го симболизира тој елемент. Тоа може да биде мини фонтана или слика од вода поставена некаде во домот.

Но, еве на кои 5 места не смеете да го поставите овој елемент за да не постигнете спротивен ефект:

Од десната страна на влезната врата

Оваа локација на водата може да симболизира несреќа за вашето семејство ако сте во брак, а многу често се поврзува и со лошата репутација, ако не сте во брак.

Затоа, аквариумот, фонтаната или воедно-цветните аранжмани ставете ги од левата страна пред влезната врата или ходникот.

Водата секогаш нека тече кон домот, а не од него и нека биде оддалечена барем неколку метри од влезната врата.

Во спална соба

Водата која се користи во Фенг шуи ја носи енергијата Јанг, а спалната соба секогаш треба да биде Јин. Затоа водата во спалната соба му штети на здравјето.

Стручните лица тврдат дека дури и чашата вода на наткасната не треба да стои подолго од неколку часа, за да не се создаде негативна енергија.

Зад грб, во било која просторија

Аквариумите или собните фонтани никогаш не смее да ви бидат зад грб, односно зад мебелот на кој се седи.

Дури и сликите со водни мотиви се препорачува да бидат пред вас, а не зад вас додека одморате или работите.

Нечиста вода

Се работи за вода која се заматила или стои веќе подолг период. Тоа може да биде нечистиот аквариум или водата во вазата која не сте ја промениле неколку дена.

Собирањето на прашина во водата симболизира и привлекува болести.

Под скалите

Ова е уште едно место на кое не сакате да имате ништо водено, посебно ако имате деца.

Сите вази со цвеќе, водени аранжмани или аквариуми поставени под скалите може да влијаат на среќата на децата или потомството, а воедно и предвидуваат финансиска штета.

Добро разгледајте го домот и размислете каква промена ќе направите.