Фенг Шуи правило за љубов и пари: Не треба ништо да чувате под кревет, освен една работа

Просторот под креветот би требало да биде отворен, советуваат сите Фенг шуи стручњаци, за енергијата да циркулира рамномерно низ целото наше тело преку ноќта. Но, постои една отстапка.

Многуте предмети кои можеби ги чувате под креветот создаваат конфузна енергија која несвесно се лепи за вас додека спиете, што е лошо.

Просторот под креветот треба да биде празен и постојано чист.

Единствена отстапка која треба да ја направите според Фенг шуи е кутијата со богатство.

Каква е таа кутија со богатство и што има во неа?

Квалитетот е важен затоа што тој привлекува поголема енергетска вибрација. Цврстиот капак претставува сигурна и стабилна енергија, а отворената кутија ќе има минлив тип на енергија.

Материјалот на кутијата е исто така важен. Дрвото ја претставува енергијата за делување и развивање, додека фино обработената кутија со златна или сребрена (сосема прифатлива е и имитација, а не вистинско злато) е симбол на богатство. Стаклената кутија е симбол на чистота и јасна енергија, додека плетената го симболизира природното движење и ја поттикнува флексибилноста. Земјената или керамичката кутија е симбол за нега и внимание.

Што треба да ставите во кутијата?

Пред да ја наполните кутијата запрашајте се: „Што ме прави вистински среќен/среќна?“

Идејата е да ги пронајдете предметите кои сакате да ги привлечете во вашиот живот.

Па така, ако сакате пари, во кутијата ставете златен накит, златници, скапоцени камчиња, кристали... Само избегнувајте да ја полните кутијата со метални монети.

Ако сакате да привлечете љубов, во кутијата ставете природни мириси, црвени свеќи, мирисни креми и масла.

Кутијата со богатство треба да ја освежите на секои 3 месеци, а најдобро е да ја чувате под средината на душекот, односно во пределот каде што ви доаѓа стомакот.