8 скандинавски лекции за уредување на домот во зима

Зимската меланхолија умее да биде поразувачка, затоа што просторот во кој живеете влијае на расположението. Скандинавците ги имаат најдобрите идеи како да се победи студот и изолацијата на ладната сезона.

Соочени со долги зими и минимални сончеви денови, тие очигледно не го губат оптимизмот и естетиката кога станува збор за уредување на просторот.

Украдете некоја идеја од Скандинавија и стоплете го домот:

Нека има светлина

Бидејќи сончевите часови се кратки, скандинавските домови се дизајнирани да примаат што е можно поеќе светлина во текот на денот. Големи прозорци, што значи ослободете се од сите завеси, тешки пердиња и ролетни.

Бел ентериер за природна атмосфера

Сте се запрашале ли зошто Скандинавците преферираат бели и земјени тонови во домовите? Белата боја на ѕидовите полесно „си игра“ со светлината во домот. Полираните сјајни површини исто така го помагаат чувството за рефлектирање на светлото. Стратешки закачете огледало веднаш наспроти прозорецот за повеќе светлина во студената зима.

Додадете дрвени елементи

Без разлика дали станува збор за паркетот, мебелот или дрвени ѕидови, најдете начин да го вклучите овој природен елемент во домот. Топлина и удобност, како совршен баланс на студенилото и снегот.

Зачинете ја атмосферата со свеќи

Особено за време на долгите зимски ноќи, свеќите даваат пријатна светлина и чувство на топлина и припадност во домот. Снабдете се со високи елегантни, како и оние пониските чаени свеќички и подготвено дочекајте ја ноќта.

Донесете ја природата во домот

Скандинавците особено ја ценат природата и не постојат временски прилики кога некој би се откажал од утринскиот џогинг или прошетка. А, вообичаено сакаат да имаат и дел од природата во својот дом. Набавете огромно зелено растение кое ќе му даде живост и игривост на домот.

Едноставен стилски мебел

Постојат неколку безвременски парчиња мебел, кои без оглед на декадата секогаш ќе бидат модерни. Типичен пример за тоа се дизајнерските столчиња на скандинавските архитекти, кои со својот минимализам создаваат смирена атмосфера.

Кога ќе се вратите дома со сите облечени слоеви и шалови на себе, сакате да уживате во чист и уреден дом без натрупани и непотребни додатоци.

Перничиња и меки покривачи

Освежете ги просториите со нов сет перничиња и мек покривач кој ќе ви биде при рака секогаш кога сакате да си ги покриете нозете во зима. Скандинавците одлично ја сфаќаат потребата од мали детали за создавање нов и возбудлив простор. Особено ги ценат комбинациите на сиво, виолетово и бургунди нијансата.

Трпезариска маса во центарот

Дали сте од оние кои го јадат ручекот „од нога“ или на малата масичка во дневна додека гледате вести? Скандинавците обрнуваат особено внимание на семејните дружби, со акцент на заедничко собирање на трпезариската маса.

Таму се споделуваат разговори, добра храна и пијалаци, каде што семејството се опушта, а долгите зимски ноќи не се исклучок. Време е да инвестирате во добра трпезариска маса и да ја ставите во употреба.

(О)Милена | Црнобело