12 супер начини како да внесете празнично расположение во домот

Полека се наближуваме кон празниците. Декември официјално почна, исто како и новогодишното расположение кое се чувствува по улиците, кафулињата и излозите.

Време е да завладее и во вашиот дом.

Никогаш не е прерано за украсување, па зошто да не го направите тоа викендов кој следи?

12 идеи од каде да почнете:

1. Одберете боја или комбинација од бои

Зелената, белата, кафеавата, златната и црвената се секогаш добар избор, зависно од бојата на мебелот. Во посветлите домови може да се вклопат и нијансите на светло сина, сребрена и виолетова.

2. Одберете ги формите на украсите

Пример, срциња, ѕвездички, шишарки и свеќи. Доволни се 4-5 елементи во различни бои и големини. Ако натрупате многу елементи и форми, домот ќе делува задушено и хаотично.

3. Осветлување

Ако ви е рано за китење на елката, за поставување на сијаличките никогаш не е.

4. Сијалички на елка

Ако пак немате време за китење и раскитување на елката, само големите сијалички внимателно наредени на неа се добра алтернатива.

5. Дуплирајте го доживувањето

Залепете огледалца на гранките за да создадете илузија од повеќе украси преку рефлектирањето.

6. Заменете ги хартиените снегулки

Со снегулки од силиконски бои или обичен силиконски лепак кој подоцна ќе ги обоите со темперни боички или спреј.

7. Украси и декорации направени од солено тесто

Ви требаат 2 шолји брашно, 1 шолја сол, 1 шолја топла вода и бои по желба.

8. Сокријте го држачот на вештачката елка

Направете украсна кутија обложена со новогодишна хартија и проблемот со држачот е решен.

9. Украсени чаши и шолји

Обичните шолји и чаши секогаш можете да ги украсите со трајни фломастери.

10. Конусоидни елки

Во просториите како спалната соба, детските соби, кујната или ходникот, секогаш може да поставите конус-елки. Се прават лесно, од едно парче подебела хартија или картон и може да ги обложите со што сакате - мрежа, украсна хартија, колаж, монисти...

11. Украс од чорапчиња со празничен принт

Ластикот од празничните чорапчиња секогаш може да ви послужи за обвиткување на стаклените садови или чаши.

12. Мини природна елка

Направи сам проект за 10 минути - ви требаат свежи гранки и сунѓер за цвеќе.

М. Д. | Црнобело