10 начини да создадете хотелски амбиент во домот

Најдобрата работа од престојувањето во хотел е тоа што не мора цело време да чистите зад себе.

Постои ли нешто поубаво од тоа да се вратите од прошетка и да ја најдете вашата соба целосно средена и подготвена за да уживате во неа?

Има многу убави работи на кои се воодушевуваме во хотелите – од услугата, до прекрасно уредените соби во кои сакаме да живееме.

Иако услугата останува реална само за во хотелите, сепак постои можност барем со некои мали ситници да направите се чувствувате како да живеете во хотел.

Само треба добро да ги изберете декорациите и ќе му додадете на просторот хотелски елементи и амбиент.

Декорирајте со локално инспирирана уметност

Декорациите во хотелите обично се инспирирани од историјата или културата на градовите во кои тие се сместени, па можете да го искористите и вие тоа како инспирација за уметност или детали кои ќе ги најдете во вашиот град.

Слоеви од различни материјали

Мека постела, кадифен килим, тапациран потпирач и тенки завеси, создаваат удобност во хотелската соба. Сигурно сакате да го имате тоа и во вашата спална.

Направете простор за масичка/биро

Луксузните хотелски соби секогаш имаат мало масиче со столче пред огледало за различни употреби. Искористете некое интересно масиче за вашите потреби и дајте и несекојдневен изглед на собата.

Додадете луксузни детали во купатилото

Луксузните хотелии гарантираат купатила кои наликуваат на СПА, за целосно уживање. Мермерни детали, бела када и чист и елегантен изглед ќе ви го дадат истиот впечаток и во домот. Ако тоа не е доволно, закачете бели големи и меки пешкири.

Декорациите нека бидат едноставни и согласни

Просторот во кој сакате да се релаксирате треба да биде едноставен и смирувачки за очите. Тоа значи да нема многу бои и натрупани работи. Усогласете ги добро боите на предметите со ѕидовите.

Мека бела постелнина

Нема ништо поубаво од целосно мека и бела постелнина – од чаршафи до перници. За дополнителна удобност додадете уште еден ред перници.

Вметнете простор за седење

Лобито во хотелите секогаш има добро организиран простор за седење. Ако имате голема дневна соба, додадете уште едно мало просторче што ќе го уредите со мала масичка и фотелји.

Осветлување за посебен амбиент

Хотелите секогаш имаат одлично осветлување и создаваат амбиент пријатен за очи. Создадете го истиот амбиент во вашиот дом со добро одбрани сијалици и лустери на повеќе места.

Декорирајте со свежи цвеќиња

Ставете ги насекаде! Во ходникот, во спалната соба, па дури и во купатилото – никогаш не може да ви биде доста од свежи цвеќиња.

Создадете голем и впечатлив ходник

Хотелите секогаш имаат големи ходници каде се пречекуваат гостите. Можеби немате огромен дом со висок плафон и дупли врати на влезот, но сепак можете да ставите стилски тепих и заоблена масичка со декорации на неа.

Ходникот не мора секогаш да биде досаден и празен.

М. М. | Црнобело