Што е ИН, а што АУТ во декорирањето на домот оваа есенска сезона 2017?

Секоја нова сезона вообичаено носи нови трендови на уредување на домот.

Сите кои се грижите за домот и сакате редовно да правите промени со цел вашето куќно прибежиште да изгледа свежо и во тренд, задолжително прочитајте што велат дизајнерите за оваа топла есенска сезона.

Што е ИН, а што е АУТ кога се работи за внатрешниот ентериер? Како да го направите домот поудобно и поубаво место за живот излезено како од каталог?

За успешна трансформација на домот, следете ги следните совети:

АУТ:

Сите парчиња и додатоци од вистински мермер, па дури и оние кои имитираат мермерна шара се аут оваа сезона, како и сјајните елементи во боја на бронза.

Навистина не ви е потребна уште една монотона еднобојна постелнина која го прави креветот здодевен и депресивен. Истото важи и за генеричките гарнитури за седење кои не содржат ниту еден возбудлив елемент во дизајнот, како и за целосно белите ентериери кои прават собата да изгледа стерилно и празно.

Сликовито, ова е сè што треба да исфрлите од домот оваа сезона или барем да го трансформирате во нови возбудливи парчиња мебел:

Целосно бели ентериери

Мермерни додатоци за домот

Сјајни бронзени елементи

Стандарден генерички мебел

Досадни постелнини

ИН:

Ѕидовите во темно зелена боја и општо темните бои се вистински хит кога се работи за темата бојадисување.

Меките плишни материјали и покривачите кои имитираат чувство на лесни пердуви се во тренд, како и шарените комоди кои може да ги обложите со интересен дезениран тапет или пак рачно да ги исцртате.

Разните додатоци од дрвенести прачки нека го пронајдат своето место на ѕидот, теракота плочките во топла окер боја на подот, а задолжително додадете и малку руменило за крај: парчиња мебел во пријатна пудресто-розова нијанса.

Темно зелена боја

Удобни бајковити кревети

Плишни материјали

Текстура од дрвенести прачки

Елементи во боја на природно руменило

Пердувести покривачи

Темни ѕидови

Интересни постелнини

Теракота плочки

Шарени комоди

(O)Милена | Црнобело