6 парчиња мебел кои го прават вашиот дом евтин и непривлечен

Сите сакаме да ни е убаво дома, со оглед на фактот што најголем дел од времето го поминуваме токму таму. Но, не сите имаме доволно пари постојано да менуваме или да реновираме.

Дизајнерите на внатрешен ентериер ни нудат 6 едноставни совети во врска со парчињата мебел кои прават нашиот дом да изгледа евтино и непривлечно.

Откријте кои се тие и колку од нив имате дома:

Флуоресцентни светилки

Непријатни се за окото, потсетуваат на канцелариски простор, создаваат некоја вештачка и непријатна атмосфера.

Сменете ги со стилски лустери или поинаков тип на осветлување кое ќе даде пријатна светлина и топлина во домот.

ТВ жици и кабли

Сите дизајнери се согласуваат дека морето од заплеткани кабли на мегдан создава хаотичен и непривлечен изглед на домот. Погрижете се добро да ги скриете или замаскирате.

Гола соба

Минимализмот секогаш носи одредена доза привлечност и софистицираност со себе, но не и кога немате апсолутно ништо во собата, освен голи бели ѕидови.

Одберете барем едно парче уметност што ќе го освежи просторот.

Евтини рамки за слики

Ги имате десетици, ги врамуваат вашите најубави спомени, а се излупени, стари и изгледаат уште поевтино отколку што се. Сменети ги тажните стари рамки за слики со нови, модерни и малку поскапи.

Вариолајт ролетни

Практични, но ја „цицаат“ сета душа и енергија од просторот. Слично како и флуоресцентните светилки и вариолајт ролетните потсетуваат на канцеларија. Сменете ги со роло или обични завеси.

Хартиени лустери и ламби

Ништо не може да му даде толку евтин и несигурен изглед на домот како хартиените ламби и лустери. Не сте тинејџер и не живеете во интернат. Сменете ја хартијата со поинаков материјал за да доловите урбан и софистициран изглед на вашиот домот.

(О)Милена | Црнобело