Трикови за совршено уредени полици - како да не владее хаос во домот?

Полиците во домот се одличен начин да ја покажете вашата креативност во уредувањето на просторот.

Тие се и наједноставниот начин да го исполните празниот простор и да го подобрите изгледот на целата просторија.

Во продолжение погледнете неколку совети што ќе ви помогнат да ги уредите полиците со стил:

Почнете со книги

Нормално, полиците најчесто служат за книги, а книгите ѝ даваат некоја посебна топлина на просторијата. Па, осигурете се дека на полиците ќе имате дел од вашите најомилени книги.

Ако имате малку книги, можете да ги наредите и хоризонтално.

Додајте ваш личен печат

Овде спаѓаат фотографии, слики, сувенири или какви било украси што имаат некакво значење за вас. Многу подобро е да ги украсите полиците со предмети кои навистина ви значат.

Овие украси не мора да стојат посебно – можете да ги ставите пред книгите, или врз нив ако сте ги наредиле хоризонтално.

Додајте и други ситници

Можете да го дополните просторот на полиците и со мала вазна со цвеќе, украсни кутии во кои ќе чувате нешто и слично.

Играјте си со просторот

Направете вашата полица да изгледа убаво, но и поразлично. Како што рековме, ставете ги книгите хоризонтално, наредете ги предметите едни пред други, а и останатите украси распоредете ги „неправилно“.

На полицата нека има разни облици и бои, но потрудете се да одговараат едни со други и да прават една интересна и креативна целина.

Спирова С. | Црнобело