8 евтини и едноставни трикови со кои ќе го освежите стариот мебел во домот

Кога сакате да го освежите домот, но финансиите не ви го дозволуваат тоа, доволно е да направите некои мали промени за да добиете целосно нов изглед.

Ако мебелот во домот ви е застарен, но моментално не сте во можност да купувате нов, постојат трикови со кои можете да направите драстична разлика.

Од тапацирање и фарбање, до самолеплива фолија, погледнете како да го освежите стариот мебел во домот:

Заменете ги ногарките на двоседот, троседот…

Можете да им дадете потполно нов изглед на креветите во дневната само ако им ги замените ногарките. Ако не можете да ги смените, доволно е и да ги офарбате во боја што ќе се вкопува со ентериерот.

Освежете ја старата стаклена масичка со металик боја

За да ја претворите старата стаклена маса во луксузно парче мебел, само обојте го стаклото од долната страна со металик боја.

Сменете го изгледот на кујната со самолеплива фолија

Нема потреба да купувате нова помошна маса или да ги менувате плочките во кујната. Денес можете да најдете самолеплива фолија во секакви дезени со која целосно ќе ѝ го промените изгледот на кујната.

Само, осигурете се дека ќе купите водоотпорна фолија за да ви трае подолго. 

Тапацирајте ги старите кревети и столчиња со поубав материјал

Ќе поминете многу поевтино ако само го смените материјалот на старите кревети и столчиња, отколку да купувате нови.

Изберете материјал со боја или дезен што најдобро ќе се вкопува во вашиот ентериер, одете кај професионалец кој ќе ви ги тапацира столчињата или каучот и ќе изгледа како да имате потполно нов мебел.

Ако станува збор за дрвени и оштетени столови, можете и да ги лакирате со друга боја.

Продолжува на следната страница...