Детали во дневната соба за кои вреди да дадете повеќе пари, според дизајнери на ентериер

Гарнитурата за седење е „главниот“ дел на дневната соба, па нема да погрешите ако одвоите повеќе пари од буџетот за неа.

Без разлика дали целосно ја реновирате дневната или сакате да направите само мали промени, има неколку детали за кои вреди да дадете повеќе пари.

Овие детали имаат најголемо влијание врз изгледот на просторијата и доволно е да промените само еден-два за да го направите просторот поубав и попријатен.

Секако, не мора да давате мало богатство за секој од овие детали, но нема да погрешите ако платите повеќе за еден или два.

За Insider, неколку дизајнери на ентериер откриваат за кои детали во дневната вреди да потрошите повеќе:

Гарнитура за седење

Гарнитурата за седење е најважниот дел од дневната соба, па вреди да одвоите повеќе пари од буџетот за неа.

Важно е гарнитурата да биде удобна, но и добро да се вклопува во просторот.

Бидејќи ова е можеби најголемото парче мебел во дневната соба, можете да го купите прво, па потоа да додавате елементи што ќе се вклопуваат со неговиот изглед.

Фотелји за уникатен изглед

Покрај гарнитурата за седење, вреди да купите и една-две фотелји. Препорачливо е да бидат со различна боја и дезен, така што ќе создадат контраст и ќе го освежат просторот.

Всушност, ако не сакате да ја менувате гарнитурата, но сакате нов изглед на дневната, можете да го постигнете тоа само со вакви фотелји. 

Квалитетен тепих

Тепихот е секогаш подобар избор од „голи“ подови – покрај тоа што ѝ дава посебен изглед на собата, значително го олеснува чистењето бидејќи ја „впива“ прашината од просторот.

Ако одберете гарнитура со една боја, препорачливо е да купите тепих со впечатлив дезен. И обратно – ако гарнитурата има некаков дезен, одберете тепих во една боја.

Озвучување

Ако уживате во гледањето филмови, ако честопати пуштате музика кога сте во домот и слично, вреди да вложите во добро озвучување.

Масичка

Покрај гарнитурата, масата е дел од дневната што привлекува многу внимание. Всушност, масата е како центарот на дневната соба, па слободно одвојте повеќе пари од буџетот за неа.

Светло

Со вистинското светло драстично ќе го подобрите изгледот на целата соба.

Најдобро е да имате повеќе извори на светлината во собата – покрај таванската сијалица, купете и подна или столна ламба.

Декоративни перници

Ако немате голем буџет или не сакате да купувате нова гарнитура, можете да ја освежите со декоративни перници.

Не мора да купувате многу скапи перници, туку дајте повеќе пари за навлаките. Купете едни за летната сезона, направени од потенок материјал, и едни за постудените месеци од подебел материјал.

Ароматични свеќи

Ако сакате само малку да го освежите просторот, доволно е да додадете само неколку ситници, како ароматични свеќи.

Овие свеќи не само што го подобруваат изгледот на собата, туку мирисаат одлично и создаваат пријатна атмосфера.

Спирова С. | Црнобело