Лиснати „жу-жу“ погачици од готово тесто – полнети со сувомеснато и кашкавал
Како да подготвите вкусно „жу-жу“ печиво со состојки што сами ќе ги изберете? Овој рецепт сигурно ќе ви се допадне, брз е за правење, а можете да ги изненадите домашните и гостите со печиво за кое никој нема да ви верува дека сами сте го подготвиле.
Откако еднаш ќе го пробате овој рецепт, многу е веројатно да донесете одлука во домот секогаш да имате по неколку ролни смрзнато лиснато тесто, за да можете да подготвите брзи домашни печива во оние денови, кога имате гости, или едноставно ви се јаде нешто вкусно и уникатно.
Иако во овој рецепт се става кечап и мајонез, доколку сакате, слободно можете да ги изоставите, или да комбинирате други состојки по ваш вкус.
Начелно, постапката за подготовка на „жу-жу“ печиво од готово лиснато тесто е следна:
Потребни состојки:
- 2 ролни смрзнато лиснато тесто;
- 150g сувомеснато месо (шунка, пршута, чајна, кулен...);
- 150g тенко исечен кашкавал;
- 3 лажици мајонез;
- 3 лажици доматно пире;
- 2 јајца (за премачкување);
- Сусам.
Начин на подготовка:
- Рерната за загрева на температура од 190 степени Целзиусови;
- Се зема првата ролна лиснато тесто, благо се засукува и се премачкува со тенок слој мајонез;
- Се става еден ред тенко исечено сувомеснато месо, па врз нeго се става тенко исечен кашкавал;
- Се зема втората ролна лиснато тесто и од едната страна се премачкува со тенок слој доматно пире, па потоа со неа се прекрива кората на која се наредени сувомеснатото и кашкавалот (така што премачканиот дел со кечап ќе дојде врз кашкавалот);
- Вака преклопените кори се ставаат во плех за печење, обложен со хартија, се засекуваат на коцкички, а потоа во мал сад се матат 2 јајца и коцкичките се премачкуваат со нив;
- За крај готовите „жу-жу“ коцкички се наросуваат со сусам и се ставаат да се печат на температура од 190 степени Целзиусови, околу 20 минути.
Видео упатство:
Б. С. Б. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за сочен домашен ручек – печено свинско филе со компири
Сигурно се сеќавате на вкусните ручеци кај баба и мирисот од рерна додека се под...
Препорачуваме
Најчитани неделава
