Направете вкусни чоколадни брауни колачиња со капини - прсти ќе излижете
Кога ќе се спојат вкусно црно чоколадо и капини, ќе добиете идеален десерт – чоколаден брауни колач со освежителен вкус.
Чоколадните колачи им се омилени на многумина. Особено кога се комбинирани со овошје.
Овојпат избравме едноставен рецепт за чоколадни брауни колачиња со капини.
Подготовката на чоколадните брауни колачиња е лесна.
Ќе ви требаат околу 20 минути за подготовка и дополнителни 20 до 25 минути за печење.
Потребни состојки:
- 100g путер
- 150g темно чоколадо искршено на коцки
- 3 јајца
- 100g шеќер
- 65g брашно
- 3 лажици какао
- ½ лажичка прашок за печиво
- Прстофат сол
- 120g капини (свежи или смрзнати)
Начин на подготовка:
- Загрејте ја рерната на 180 степени Целзиусови. На дното на тава со димензии 20х20cm ставете хартија за печење, а ѕидовите премачкајте ги со путер и брашно за да не се залепи колачот.
- Путерот стопете го на среден оган и пред да почне да врие, додајте го чоколадото што сте го искршиле на коцки.
- Мешајте без престан додека да се стопи чоколадото и да добиете мазна смеса, па тргнете го садот на страна за смесата да почне да се лади.
- Во посебен сад ставете ги јајцата и шеќерот и матете околу 1 минута.
- Во изматените јајца додадете ја чоколадната смеса која треба да биде млака - ни многу топла ни целосно изладена.
- Додајте ги сувите состојки – брашното, какаото, прашокот за печиво и малку сол.
- Смесата спојте ја мешајќи со лажица, а не со миксер. Кога ќе добиете мазна смеса, додадете ги скоро сите капини.
- Откако ќе ја ставите смесата во тавата за печење, одозгора ставете ги останатите капини (доволно ќе ви бидат 12-15 капини) за декорација.
- Печете го колачот 20 до 25 минути, или додека да добие крцкава кора, а внатрешноста да остане мека.
- Кога ќе се испече, оставете го да се излади, па послужете го.
А. Ј. | Црнобело
Би можело да ве интересира:
Рецепт за чоколадни пралини со малини и кокос
Свеж и егзотичен вкус поради комбинацијата од малини и кокос - овие пралини ќе в...
Сочен колач со капини, мед и бело чоколадо, совршен за сите сезони
Сладок, мек како душа и едноставен за подготовка – овој колач со капини и мед е ...
Прсти да излижете: Баунти колач со кокос и Орео колачиња, што не се пече
Од овој колач задолжително ќе барате парче плус, а е омилен им е на сите оние шт...
Рецепт за совршени чоколадни колачиња со портокал
Совршен вкус на чоколадо и портокал кој се топи уште од првиот залак...
Соврш...
Нова верзија на рецептот на баба: Омилените божиќни гурабии со ванила и ореви
Се сеќавате на вкусните колачиња што буквално ви се топат во уста? Меки и полнет...
Брзи и вкусни чоколадни браунис без шеќер, готови за 15 минути (видео)
Чоколадните браунис колачиња со банана имаат малку калории, па можете да ги јаде...
Препорачуваме
Најчитани неделава
