Летен ручек по рецептот на нашите баби: Похувани пиперки со растопено сирење
Наместо да ги пржите, овие пиперки се подготвуваат во рерна, а ќе ви се допаднат затоа што нема да пливаат во масло.
Мирисот на печените пиперки и сосови со зеленчук се нешто што многумина ги враќа во детството и кујната на баба, а со овој рецепт ќе направите вкусни похувани пиперки од кои тече растопено сирење и кашкавал.
Српската блогерка Јелена Коцмановиќ на својот Инстаграм профил сподели рецепт за летен ручек што сигурно ќе ви се допадне.
Рецептот е едноставен и можат да го направат и оние што се целосни почетници во кујна.
Потребни состојки:
- 6 печени пиперки;
- 2 јајца;
- 250g сирење;
- 150g кашкавал;
- Малку брашно;
- 200g презла;
- малку масло (за попрскување).
Начин на подготовка:
- Пиперките се мијат, се чистат од семки и се ставаат на плех обложен со хартија за печење;
- Рерната се загрева на 220 степени Целзиусови, а пиперките се ставаат на најгорната решетка и по неколку минути се вадат и се превртуваат;
- По неколку минути, откако ќе се испечат, пиперките се вадат, се ставаат во сад и се затвораат со капак за да омекнат;
- Кога ќе се оладат, пиперките се лупат и се сечат по должина само од едната страна;
- Во длабок сад се меша сирење и кашкавал, во друг сад се става малку брашно, во трет се мешаат јајцата, а во четврт се става презла;
- Во отворените пиперки се става мешавина од кашкавал и сирење, се преклопуваат, па се валкаат во брашно, па се потопуваат во јајца и на крај се валкаат во презла;
- Пиперките се распоредуваат на плех обложен со хартија за печење, се попрскуваат со малку масло и се печат 10-тина минути на температура од 200 степени Целзиусови.
Видео упатство:
Б. С. Б. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за сочен домашен ручек – печено свинско филе со компири
Сигурно се сеќавате на вкусните ручеци кај баба и мирисот од рерна додека се под...
Препорачуваме
Најчитани неделава
