Рецепт за баклава со бадеми и суво грозје (може да ја правите и во посна варијанта)
Погледнете еден поинаков рецепт за баклава кој може да го правите и во посните, но и во деновите кога не е пост. Како и да се одлучите, дефинитивно ќе уживате во прекрасниот вкус кој ќе го дадат бадемите во комбинација со суво грозје.
Баклавата е вкусен десерт со шербет, најчесто правен со ореви, но сè повеќе се практикува и употреба на други јаткасти плодови, како ф’стаци, лешници, бадеми…
Баклавата не е тешка за подготовка, а бидејќи традиционално се спрема кај нас за бадниковата трпеза, во продолжение ви прикажуваме еден поинаков рецепт со бадеми и суво грозје, кој може да го правите во посна варијанта.
Потребни состојки:
- 1 пакување тенки кори
- 400g мелени бадеми
- 100g суво грозје
- 50g путер (или маргарин за посна варијанта)
Потребни состојки за шербет:
- 300g шеќер
- 500ml вода
- Сок од 1 лимон
Начин на подготовка:
- Путерот (или маргаринот) се растопува на среден оган, а притоа се подготвува и плехот во кој ќе се пече баклавата. Бадемите се мелат.
- Потоа, во намрсен плех се ставаат една по една, вкупно 8 кори. Секоја кора обилно се премачкува со путер (или маргарин). На осмата кора се ставаат мелени бадеми и суво грозје (околу третина).
- На секои две кори се става малку бадеми и малку суво грозје. Кога ќе се потрошат бадемите и сувото грозје, ставете одозгора уште 6 кори, а секоја поединечно се премачкува со путер. Пред печењето, баклавата се сече на коцки или триаголници.
- Шеќерот и водата се ставаат во тенџере на оган за да зовријат и така се вари околу 5 минути. Потоа, се трга настрана и се додава сокот од лимон, а по желба може да додадете и парчиња лимон.
- Испечената и млака баклава, прелијте ја со врелиот шербет, па оставете ја да го впие.
М. Ѓ | Црнобело / фото: freepik.com
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Препорачуваме
Најчитани неделава
