Рецепт за вртена пита со паричка за Василица од готови кори
Рецепт што ќе им се допадне на младите, но и на искусните домаќинки. Како да подготвите брза вртена пита за Василица, од готови кори?
За големиот празник Свети Василиј Велики во голем број градови низ Македонија се подготвува вртена пита со паричка.
Овој рецепт ќе им се најде на сите оние што сакаат да ја испочитуваат традицијата, но немаат премногу време за месење и за сукање.
Како да подготвите вкусна пита од готови кори:
Потребни состојки:
- 500g готови кори;
- 2 јајца;
- 400g урда (или сирење, или мешано урда и сирење);
- 100g павлака;
- 200ml минерална вода;
- 50ml масло;
- ½ лажичка сол.
Начин на подготовка:
- Рерната се загрева на 180 степени Целзиусови. Во чаша се мешаат минералната вода и маслото;
- Во длабок сад се мешаат јајцата, урдата или сирењето, павлаката и се додава пола лажиче сол. Сите состојки се мешаат додека да се добие изедначен фил;
- На работна површина се става една кора и се попрскува со малку вода и масло. Се става уште една кора врз првата и се премачкува со филот од сирење, јајца и павлака;
- Корите се виткаат во ролат и се свиткуваат во круг, па се ставаат во претходно премачкан плех за печење;
- Постапката се повторува сѐ додека не се потрошат сите кори;
- Паричката се мие, се обложува со алуминиумска фолија и се става во една од корите (не е важно во која);
- Кога ќе се наредат сите кори во плехот за печење, готовата пита се полева со остатокот од минерална вода и масло;
- Питата се пече 20-тина минути на температура од 180 степени Целзиусови, или додека не порумени;
- Откако ќе се испече, се остава да се олади 20-тина минути, пред да засечете и да ја поделите.
Б. С. Б. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за турска бисквит торта со чоколаден прелив – се топи во уста
Најубавата и најсочната бисквит торта со бел крем, чоколаден прелив и вкус на ка...
Препорачуваме
Најчитани неделава
