Највкусната пица со тесто од карфиол: Рецепт кој ќе ви помогне во слабеењето
Ако сакате пица, со овој рецепт можете да уживате во омилениот вкус без да чувствуваат грижа на совест поради калориите што ги внесувате.
Постои тесто без брашно кое, верувале или не, е подеднакво вкусно како и стандардното тесто за пица.
За овој рецепт треба само да го замените вообичаеното тесто за пица со тесто направено од карфиол.
Највкусното тесто за пица од карфиол:
Потребни состојки:
За тесто:
- 1 главица карфиол
- 2 јајца
- 2 лажици рендан пармезан
- 2 лажици рендана моцарела
- Еден прстофат сол, малку бибер
- 1 лажичка куркума
- 1 лажица маслиново маслo
За фил:
- 3 супени лажици маслиново масло
- 50g сос од домати
- 100g кашкавал
- 200g моцарела
- 2 домати
Начин на подготовка:
- Најпрво карфиолот поделете го на помали парчиња и ставете во блендер. Блендирајте додека не добиете ронлива смеса.
- Потоа ставете го во сад и варете додека не омекне. Кога ќе се олади, завиткајте ја смесата во чиста крпа или газа, а потоа со раце исцедете го вишокот вода.
- Смесата треба да биде добро исцедена бидејќи така тестото нема да биде лепливо по печењето.
- Така исцедениот карфиол измешајте го со јајцата, зачините и другите состојки за тестото.
- Распоредете го добиеното тесто во тава со хартија за печење.
- Смесата премачкајте ја со маслиново масло и печете 12 до 15 минути на 220°C, односно додека тестото не стане крцкаво.
- На тестото додајте сос од домати, кашкавал, моцарела, домати и уште малку маслиново масло.
- Печете додека не се растопи кашкавалот и доматите не омекнат, односно околу 10 минути.
В. К. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Препорачуваме
Најчитани неделава
