Вкусни домашни чорбести јадења за 5 дена во неделата

Леќа

Потребни состојки:

500g леќа
1 кромид со средна големина
1 морков со средна големина
сол, бибер
1 лажичка буковец
1 лажица брашно
вегета по вкус
масло по потреба
колбас

Начин на подготовка:

Леќата варете ја околу 10-15 минути.
Во тенџере пропржете ги кромидот и морковот, а потоа додајте го исечканиот колбас и леќата со водата во која се варела и гответе околу 20 минути.
Додајте сол и бибер и добро измешајте.
Кога ќе биде сѐ сварено, на малку загреано масло истурете една лажица брашно и една лажичка буковец и мешајте додека не се згусне.
Ваквата запршка истурете ја во тенџерето со леќата и варете уште 5 минути.

vkusni-domasni-chorbesti-jadenja-za-5-dena-vo-nedelata-006.jpg

Гулаш

Потребни состојки:

китка магдонос
1 ловоров лист
китка целер
зрна бибер
3 гранчиња мајчина душичка
680g телешко месо
2 црвени кромиди
2 моркови
сок од лимон
сол
мелен бибер
85g путер
230g печурки
2 лажици брашно
1 жолчка од јајце
2 лажици кисела павлака

Начин на подготовка:

Телешкото месо исечкајте го на коцки.
Кромидот ситно исечкајте го
Морковите исечкајте ги на коцки, а печурките на четвртинки.
Во тенџере ставете го телешкото месо, 1 ситно сечкан кромид, морковите, сокот од лимон, ситно сечканите магдонос и целер, зрната бибер и ловоровиот лист, како и гранчињата мајшина душичка, па сè целосно прекријте со вода.
Додадете сол и бибер.
Оставете на тивко да се вари 1 час.
Во тавче на средна температура растопете 25g путер. Додадете го другиот исечкан кромид и пропржете со повремено мешање додека не порумени.
Додадете уште 25g путер и печурки.
Пржете со повремено мешање околу 5 минути.
Исцедете ја течноста од телешкото, но зачувајте дел од неа. Додадете го месото и зеленчукот во печурките и кромидот, и тргнете ги на страна, но на топло.
Во голема тава растопете го преостанатиот путер. Просејте го брашното и динстајте го со постојано мешање околу една минута.
Тргнете ја тавата од оган и постепено додавајте ја зачуваната течност во која се варело телешкото.
Вратете ја тавата на оган и мешајте додека не зоврие и згусне.
Тргнете ја тавата од оган и оставете ја малку да се излади.
Во еден сад измешајте ја жолчката со павлака и смесата полека додадете ја во претходната запршка.
Сето тоа ставете го во чорбата и варете 5 минути без да зоврие.
Зачинете, украсете со магдонос и послужете.

vkusni-domasni-chorbesti-jadenja-za-5-dena-vo-nedelata-.jpg

С. Ш. | Црнобело / фото: pixabay.com

Би можело да ве интересира:

3 посни рецепти без масло - вкусни јадења за божиќниот пост Брза пита од компири и праз, мусака со печурки, чорба со зелка - овие три рецепт...

Лазањи со спанаќ и сочно пилешко - полесна верзија на ручекот што го обожавате Ова лесно јадење брзо ќе ве засити, но нема да сакате да престанете по само едно...

Здрав посен десерт готов за 10 минути – кога ќе кризирате за благо Додека постите, ако закризирате за нешто благо, ви требаат само три состојки за ...

Ролат еклер - поинаков начин да го подготвите вашиот омилен десерт За сите љубители на еклери, денес подготвивме рецепт кој е подеднакво вкусен, а ...